Ka shkuar mbi 20 mijë numri i personave që kanë humbur jetën nga tërmeti apokaliptik që goditi Turqinë dhe Sirinë ditën e hënë.
Në ndihmë të forcave turke kanë shkuar njerëz dhe specialistë nga e gjithë bota. Gjithashtu edhe të huajt që ndodhen në Turqi po japin kontributin e tyre.
Një ndër ta është edhe ish-kampioni i botës me Italinë, Andrea Pirlo, i cili së fundmi drejton skuadrën turke të Fatih Karagumruk.
Pirlo i është bashkuar grupit që shpërndan ndihma për personat që ju janë shkatërruar shtëpitë nga tërmeti i fortë.
Ndërkohë që sytë e gjithë botës dhe lutjet e njerëzve tashmë janë të gjitha përpersonat që ndodhen nën rrënoja, ku jeta rrezikohet çdo minutë që kalon.
