Një sulm rus me raketa në Kharkiv ka lënë të paktën 10 persona të vdekur dhe 8 të plagosur, bëri të ditur guvernatori i rajonit, Oleg Synegubov.
Të lidhura
None found
Personat që pësuan lëndime po trajtohen nga ekipet mjekësore, ndërkohë që autoritetet vazhdojnë ndërhyrjen në vendin e goditjes.
Goditja ka dëmtuar rëndë edhe prona e mjete. Mes objekteve të prekura janë të paktën 10 banesa private, një kafene, një zyrë postare, një dyqan dhe së paku shtatë automjete.
Kharkivi, një prej qyteteve më të rëndësishme të Ukrainës dhe i pozicionuar pranë kufirit rus, është sulmuar vazhdimisht nga forcat ruse që prej fillimit të pushtimit në shkallë të plotë. Sipas njoftimeve më të fundit të autoriteteve ukrainase, goditjet kundër qytetit dhe rajonit nuk janë ndalur.
