Një person ka vdekur, ndërsa 27 të tjerë janë plagosur nga një sulm me dron në rajonin Yaroslavl të Rusisë.
Të lidhura
None found
Guvernatori i rajonit, Mikhail Evrayev, tha se mbetjet e një droni ukrainas ranë mbi një objekt industrial. Sipas deklaratës së tij, incidenti shkaktoi një viktimë dhe 27 të plagosur.
Në një njoftim të veçantë, Shtabi i Përgjithshëm i Ukrainës bëri të ditur se forcat ukrainase kishin goditur gjatë natës një rafineri ruse nafte në rajonin Yaroslavl, ku më pas shpërtheu zjarr.
Megjithatë, mbetet e paqartë nëse bëhet fjalë për të njëjtën strukturë të përmendur nga autoritetet ruse dhe ato ukrainase.
Sulmi ndodhi në një periudhë kur janë shtuar goditjet me dronë ndaj objekteve energjetike dhe industriale në Rusi, në kuadër të luftës mes dy vendeve.
