Katër burra u plagosën gjatë një sulmi të ndodhur në zonën Covent Garden, në qendër të Londrës.
Të lidhura
None found
Policia Metropolitane njoftoi se mori informacion për ngjarjen në Edel Street rreth orës 12:27, sipas kohës lokale. Në vendngjarje, efektivët gjetën katër të plagosur, të moshave 34, 39, 42 dhe 52 vjeç, me dëmtime të shkaktuara nga një mjet prerës.
Viktimave iu ofrua ndihma e parë në vend, përpara se të dërgoheshin në një qendër të specializuar për trajtimin e traumave.
Si autore e dyshuar është arrestuar një grua 47-vjeçare, bëri të ditur Policia Metropolitane.
Në një njoftim të mëvonshëm, policia sqaroi se hetimi ndodhet ende në fazat e para. Megjithatë, dyshimet paraprake janë se incidenti mund të ketë lidhje me problemet e shëndetit mendor të 47-vjeçares.
Autoritetet konfirmuan se në vendin e ngjarjes u sekuestrua edhe një palë gërshërë, e cila dyshohet se është përdorur në sulm.
