Një zyrtar i Forcave Ajrore ruse ka vdekur mëngjesin e sotëm në Shën Petersburg, pasi automjeti i tij shpërtheu pak kohë pasi ai ishte larguar nga banesa.
Të lidhura
None found
Sipas gazetës ruse Fontanka, në makinë ishte vendosur një pajisje artizanale shpërthyese. Burri ndërroi jetë në vendngjarje.
Viktima ishte nënkolonel i Forcave Hapësinore dhe Mbrojtjes Ajrore të Rusisë. Bashkëshortja e tij ka mbetur gjithashtu e plagosur rëndë dhe mjekët po luftojnë për t’i shpëtuar jetën.
Drejtoria Kryesore Hetimore e Komitetit Hetimor të Rusisë në Shën Petersburg ka hapur një hetim për të përcaktuar rrethanat e shpërthimit.
