Deklaratat e ministrit izraelit të Sigurisë Kombëtare, Itamar Ben-Gvir, kanë ngjallur reagime të ashpra pasi ai u shpreh se “i gjithë Libani duhet të digjet”, pas lajmit për vdekjen e katër ushtarëve izraelitë në jug të vendit.
Sipas njoftimit të Forcave të Mbrojtjes së Izraelit (IDF), ushtarët u vranë “gjatë luftimeve”, pasi tanku ku ndodheshin u godit gjatë një operacioni pranë zonës së Kfar Tebnit, në jug të Libanit.
Të lidhura
None found
IDF bëri të ditur se njëri prej ushtarëve të vrarë ishte nënkoloneli 32-vjeçar Dor Gedalia Ben Simhon, komandant i Batalionit të 52-të të Brigadës së 401-të të Blinduar.
“Për çdo lot të një nëne izraelite, një mijë nëna libaneze duhet të qajnë”, shkroi Ben-Gvir në një postim të publikuar në platformën X.
“Me gjithë respektin për amerikanët, Izraeli duhet t’ia bëjë të qartë gjithë botës se gjaku i bijve tanë dhe siguria e qytetarëve tanë nuk mund të shpërfillen”, deklaroi Ben-Gvir.
