Teksa ka qarkulluar lajmi për ndarjen e këngëtares kolumbiane, Shakira, nga partneri i saj, futbollisti Gerard Pique, kanë qarkulluar zëra se gjendja shëndetësore e këngëtares nuk ka qenë e mirë.
Vetë Shakira pasi konfirmoi lajmin e ndarjes, shkroi në Twitter për të zbuluar të vërtetën rreth fotove të ambulancës që qarkullojnë në rrjetet sociale, lidhur me gjendjen e saj shëndetësore.
Sipas mediave të huaja, Shakira thuhej se kishte pësuar një sulm ankthi dhe ishte transportuar me një ambulancë në një spital aty pranë pasi ishte ndarë nga futbollisti. Por këngëtarja ka mohuar gjithçka, ndërsa ka sqaruar se si qëndronte e vërteta e ambulancës në shtëpinë e saj.
“Njerëz, po marr shumë mesazhe shqetësimi që jam parë në një ambulancë në Barcelonë kohët e fundit. Dëshiroj vetëm t’ju bëj të ditur se ato foto janë të fundjavës së kaluar (data 28), kur babai im për fat të keq u rrëzua dhe e shoqërova me një ambulancë në spitalin ku po shërohet tani. Ju lutemi dërgoni urimet tuaja më të mira për të dhe ju falënderoj të gjithëve si gjithmonë për dashurinë dhe mbështetjen tuaj”, shkruan Shakira.
Shakira dhe Pique i kanë dhënë fund lidhjes së tyre e cila ka zgjatur 11 vite, ndërkohë janë prindër ty djemve.
