Një aksident i rëndë rrugor, i ndodhur në orët e para të mëngjesit të kësaj të enjteje në Glyfada të Athinës, u ka marrë jetën tre të rinjve nga Fieri, të cilët banonin në kryeqytetin grek.
Në automjet ndodheshin pesë persona. Dy prej tyre kanë mbetur të plagosur dhe janë në gjendje të rëndë shëndetësore.
Të lidhura
None found
Ngjarja u regjistrua në rrugën bregdetare pranë Glyfadës. Sipas informacioneve paraprake, makina po udhëtonte drejt Pireut, kur në kryqëzimin e Avenue Poseidonos me rrugën Kalypsous doli papritur nga rruga.
Automjeti më pas u përplas me shpejtësi të lartë në murin e një hoteli, duke sjellë pasoja tragjike.
Tre të rinjtë humbën jetën si pasojë e përplasjes, ndërsa dy të plagosurit u dërguan për trajtim mjekësor dhe ndodhen në gjendje të rëndë.
Autoritetet greke kanë nisur hetimet për të sqaruar rrethanat e aksidentit dhe arsyet që sollën humbjen e kontrollit mbi automjetin.
