Pesë persona, përfshirë autorin e dyshuar, kanë vdekur dhe tre të tjerë janë plagosur pas një sërë të shtënash në një festë ditëlindjeje të shtunën herët në Kentaki të SHBA-ve.
Kur oficerët erdhën, të shtënat ishin ende duke u gjuajtur dhe kishte dy viktima përpara rezidencës, tha shefi i policisë së Firences Jeff Mallery në një konferencë për shtyp.
Katër viktima u shpallën të vdekur në vendngjarje dhe tre të tjerë u transportuan në spitalin lokal dhe janë në gjendje të qendrueshme. Sipas policisë, ata pritet të shërohen plotësisht.
“Ne kurrë nuk jemi përballur me një rast të tillë më parë. E di që ka ndodhur në të gjithë vendin, por kjo është hera e parë që ne kemi pasur të shtëna në zonë, “tha Mallery në konferencën për shtyp.
Mallery identifikoi katër viktimat si 19-vjeçarin Delaney Eary, 20-vjeçarin Shane Miller, 20-vjeçarin Hayden Rybicki dhe 44-vjeçaren Melissa Parrett.
