Giorgia Meloni, kryeministrja e Italisë, ka reaguar me tone të forta ndaj deklaratave të Donald Trump, të cilat i përshkroi si “sulme të vazhdueshme dhe të paprovokuara pa asnjë kuptim”.
Ajo kundërshtoi pretendimin se mbështetja që gëzon lidhet me raportin e saj me ish-presidentin amerikan, duke sqaruar se popullariteti i saj në Itali buron nga mbrojtja e interesave kombëtare të vendit.
Të lidhura
None found
“Popullariteti im varet nga aftësia ime për të mbrojtur interesin kombëtar italian dhe kjo është pikërisht ajo që kam bërë gjithmonë”, u shpreh Meloni.
Duke prekur edhe çështjen e bazave ushtarake amerikane në territorin italian, kryeministrja theksoi se funksionimi i tyre bazohet në marrëveshje që respektohen nga të dyja palët dhe që nuk mund të shkelen.
“Italia mbetet një shtet sovran”, nënvizoi ajo.
Në përmbyllje të reagimit, Meloni i dha Trumpit një mesazh të drejtpërdrejtë: “Popullariteti im nuk është shqetësimi yt. Të sugjeroj të përqendrohesh te i yti”.
