Të paktën 17,000 fëmijë në Gaza janë të pashoqëruar ose të ndarë nga prindërit e tyre, sipas Fondit të Kombeve të Bashkuara për Fëmijët (UNICEF).
Shefi i Komunikimit i UNICEF-it për Shtetin Palestinez, Jonathan Crickx, tha nga Gjeneva se numri është vetëm një vlerësim, pasi informacioni është i vështirë për t’u mbledhur në Gaza për shkak të përkeqësimit të sigurisë dhe kushteve humanitare.
Fëmijët vuajnë nga probleme të shëndetit mendor, duke shfaqur nivele të larta ankthi të vazhdueshëm, shpërthime emocionale ose panik kur dëgjojnë bomba, humbje të oreksit dhe pagjumësi, tha Crickx.
UNICEF vlerëson se pothuajse të gjithë fëmijët në Gaza, më shumë se 1 milion kanë nevojë për shëndet mendor dhe mbështetje psikologjike.
