Përpjekjet diplomatike për të rikthyer Rusinë dhe Ukrainën në tryezën e bisedimeve po intensifikohen, ndërsa administrata amerikane synon të gjejë një rrugë për t’i dhënë fund konfliktit.
Të lidhura
None found
Megjithatë, Moska ka dhënë sinjale se realizimi i takimit të propozuar trepalësh mes Donald Trump, Vladimir Putin dhe Volodymyr Zelensky, me synim rifillimin e negociatave për përfundimin e luftës në Ukrainë, vazhdon të përballet me vështirësi.
Dmitry Peskov, zëdhënësi i Kremlinit, u shpreh se mbledhja e tre liderëve do të ishte e arsyeshme vetëm nëse do të mundësonte zyrtarizimin e marrëveshjeve të arritura paraprakisht.
Ai tha se takimi nuk do të kishte vlerë nëse do të shërbente për hapjen e diskutimeve të reja rreth hollësive të marrëveshjeve. Sipas Peskov, Kievi nuk është i gatshëm të angazhohet për arritjen e një zgjidhjeje të qëndrueshme.
Në të njëjtën kohë, Rusia ka paralajmëruar se situata në terren mund të përshkallëzohet.
Zyrtarë të lartë të Kremlinit, të cituar nga agjencia ruse TASS, kanë bërë të ditur se Moska po përgatitet të ndërmarrë “sulme masive” kundër objekteve energjetike të Ukrainës.
Sipas pretendimeve të palës ruse, këto sulme do të kryheshin si kundërpërgjigje ndaj goditjeve të Ukrainës mbi objektiva civile në Rusi.
