Komisioni Europian ka konstatuar paraprakisht se platforma kineze e tregtisë elektronike Temu nuk ka përmbushur detyrimin për të bashkëpunuar aktivisht në disa aspekte të një kontrolli të befasishëm në selinë e saj europiane në Dublin.
Të lidhura
None found
Kontrolli u krye nga 2 deri më 5 dhjetor, si pjesë e hetimit për të vlerësuar nëse kompania ka përfituar subvencione të huaja që mund të cenojnë konkurrencën në tregun e Bashkimit Europian.
Komisioni nuk ka bërë ende publike detaje mbi veprimet konkrete që Temu dyshohet se nuk i ka ndërmarrë gjatë inspektimit. Vlerësimi i publikuar deri tani mbetet paraprak dhe nuk përbën një vendim përfundimtar ndaj kompanisë.
Temu, që i përket grupit kinez PDD Holdings, është shtrirë me ritme të shpejta në tregun europian duke ofruar produkte me çmime të ulëta.
