Në Texas është shënuar një aksident i pazakontë, pasi një kamion me tre akse që transportonte koshere bletësh u përmbys, duke çliruar në ajër rreth dy milionë bletë.
Ngjarja u regjistrua pranë qytetit lindor të Morrisville, çka i detyroi menjëherë autoritetet lokale të emergjencës të paralajmëronin banorët të qëndronin brenda banesave për shkak të rrezikut nga insektet.
Të lidhura
None found
Në pamjet e shpërndara në rrjetet sociale shihen bletarë të pajisur me kostume mbrojtëse duke punuar mes tufave të dendura të bletëve, ndërsa shumë prej insekteve janë vërejtur të grumbulluara në pemët pranë vendit të aksidentit.
Sipas mediave ndërkombëtare, shërbimet e emergjencës arritën ta menaxhonin situatën relativisht shpejt, duke ndërhyrë për të kufizuar rrezikun dhe për ta vënë ngjarjen nën kontroll.
Disa orë pas incidentit, shërbimet e emergjencës së Qarkut Orange njoftuan se bletët po transportoheshin drejt bletarëve lokalë, të cilët u përfshinë në përpjekjet për të shpëtuar kolonitë dhe për të ulur humbjet në minimum.
Autoritetet bënë të ditur se nuk pati persona të lënduar, ndërsa kjo ngjarje mbetet një nga incidentet më të pazakonta të raportuara kohët e fundit në zonë.
