Britania e Madhe është përballur me një çështje që ka tronditur thellë opinionin publik, pasi një ish-mësues dhe partneri i tij u shpallën fajtorë për vrasjen dhe abuzimin e vazhdueshëm seksual ndaj një foshnjeje 13-muajshe të birësuar prej tyre. Sipas të dhënave të çështjes, ata i kishin regjistruar veprimet e tyre edhe me foto dhe video.
Jamie Varley, 37 vjeç, ish-mësues në një shkollë të mesme, mori dënim me burgim të përjetshëm pa mundësi lirimi me kusht për vrasjen dhe abuzimin seksual të foshnjës. Ndërkaq, partneri i tij, John McGowan-Fazakerly, 32 vjeç, u dënua me 25 vite heqje lirie për sulm seksual dhe për lejimin e vdekjes së fëmijës në banesën e tyre në Blackpool, Lancashire.
Të lidhura
None found
Foshnja kishte jetuar me çiftin për më pak se katër muaj. Kjo periudhë nisi në prill të vitit 2023, menjëherë pasi ishte mbyllur procesi i birësimit. Ekspertiza mjeko-ligjore konstatoi se në trupin e djalit të vogël kishte 40 lëndime të ndryshme, që sipas hetimeve ishin pasojë e abuzimit të vazhdueshëm fizik dhe seksual.
Në seancë, gjykatësi Turner deklaroi se Varley shfrynte frustrimet e tij personale mbi fëmijën, madje duke filmuar edhe episode ku ai e privonte qëllimisht nga gjumi. Po ashtu, disa ditë para ngjarjes që i mori jetën foshnjës, të dy të pandehurit kishin kryer së bashku abuzim seksual, ndërsa fëmija ishte i lidhur te hekurat e krevatit të tij.
Më 27 korrik 2023, ditën kur foshnja vdiq, në shtëpi me të ndodhej vetëm ish-mësuesi. Si rezultat i abuzimit ekstrem, fëmija pësoi një krizë fatale. Megjithatë, sipas çështjes, i pandehuri nuk kërkoi menjëherë ndihmë mjekësore, duke tentuar të fshihte gjurmët e krimit. Foshnja u transportua në spital vetëm pasdite, pasi partneri i tij ishte kthyer në shtëpi, por atëherë ishte shumë vonë.
