Hajdutët që vodhën xhevahiret më të vlefshme të Luvrit tetorin e kaluar i shpëtuan policisë vetëm 30 sekonda para fundit, zbuloi një hetim mbi incidentin që tronditi Francën. Hetimi, i urdhëruar nga Ministria e Kulturës, zbuloi se vetëm një nga dy kamerat e sigurisë funksiononte pranë pikës nga e cila grabitësit hynë në ndërtesë mëngjesin e së dielës, më 19 tetor.
Sipas hetimit stafi në qendrën e kontrollit të sigurisë nuk kishte ekrane të mjaftueshme për të monitoruar muzeun në kohë reale. Ndërkohë, mungesa e koordinimit bëri që policia të dërgohej fillimisht në vendin e gabuar kur u dha alarmi. Një nga zbulimet në raport ishte se grabitësit kishin vetëm 30 sekonda për të hyrë me forcë përpara se të mbërrinin policia dhe rojet private të sigurisë.
Të lidhura
None found
“Rojet e Securitas [kompania private] ose oficerët e policisë në një makinë mund t’i kishin penguar hajdutët të arratiseshin”, u tha senatorëve kreu i hetimit, Noel Corbin.
Ai tha se masa të tilla si një sistem modern kamerash me qark të mbyllur, xhama më të fortë ose koordinim më i mirë i brendshëm mund të kishin parandaluar humbjen e bizhuterive, me vlerë rreth 88 milionë euro. Por një hetim i kërkuar nga udhëheqja e Muzeut në vitin 2019 tregoi gjithashtu se ka shumë boshllëqe dhe dobësi në siguri.
Ndër të tjera, ekspertët nga kompania e bizhuterive Van Cleef & Arpels kishin theksuar se ballkoni pranë lumit i përdorur nga hajdutët në tetor ishte një pikë e dobët dhe mund të ishte arritur nga kushdo me një shkallë të madhe. Kjo është pikërisht ajo që ndodhi në tetor.
Çuditërisht, drejtoresha e Luvrit, Laurence de Carr, nuk u informua për inspektimin, i cili ishte urdhëruar nga paraardhësi i saj, Jean-Luc Martinet. Policia ndërkohë ka arrestuar katër autorët, të cilët ikën me motoçikleta pasi kryen grabitjen në rreth 10 minuta, bizhuteritë të cilat nuk janë gjetur.
