Pas vendimit të Dhomave të Specializuara në Hagë për katër ish-drejtues të Ushtrisë Çlirimtare të Kosovës, Franca ka përsëritur qëndrimin e saj në mbështetje të pavarësisë së Kosovës dhe institucioneve të saj.
Në reagimin zyrtar, Parisi vlerëson punën e Dhomave të Specializuara të Kosovës dhe nënvizon angazhimin për luftën kundër mosndëshkimit. “Franca rithekson mbështetjen e saj për Dhomat e Specializuara të Kosovës dhe rikujton angazhimin e saj në luftën kundër mosndëshkimit. Ajo gjithashtu rikonfirmon mbështetjen e saj të palëkundur për pavarësinë e Kosovës dhe institucionet e saj”, thuhet në deklaratë.
Të lidhura
None found
Dhomat e Specializuara në Hagë shpallën fajtorë Hashim Thaçin, Jakup Krasniqin, Kadri Veselin dhe Rexhep Selimin për vepra që lidhen me krimet e luftës.
Dënimi për Thaçin dhe Krasniqin është 25 vjet burgim për secilin, ndërsa Kadri Veseli u dënua me 18 vjet dhe Rexhep Selimi me 13 vjet burgim.
Franca ka bërë të qartë se përkrahja për institucionet e Kosovës dhe përpjekjet në funksion të drejtësisë vijojnë të jenë pjesë e politikës së saj zyrtare.
