Një çift i përbërë nga një grua gjermane 38 vjeçe dhe një burrë grek 43 vjeç u vu në pranga muajin e kaluar, pasi autoritetet zbuluan se ata kishin mbajtur në frigorifer trupin e foshnjës së tyre, e cila kishte vdekur katër vite më parë.
Të lidhura
None found
Autoritetet bëjnë me dije se foshnja kishte ndërruar jetë në vitin 2022 dhe se në trupin e saj ishin konstatuar shumë plagë të rënda të shkaktuara nga goditjet me thikë.
Dëshmia e dhënë nga dy të arrestuarit në polici është bërë së fundmi publike përmes raportimeve të mediave.
Christos Psarras, avokati i çiftit në Hamburg, u shpreh për mediat gjermane se ata zhvendoseshin nga një apartament në tjetrin mesatarisht çdo katër ose pesë muaj. Sipas tij, gjatë çdo lëvizjeje, çifti merrte me vete edhe foshnjën që ruhej në frigorifer dhe e vendoste atë në pajisjen frigoriferike të banesës së re.
Avokati shtoi se trupi mbahej brenda një ene, pasi çifti pretendonte se synonte të “nderonte kujtimin e saj”. Ai sqaroi se kjo nuk mund të realizohej për shkak të përfshirjes së personave të tjerë në këtë çështje.
