E rëndë në Britani, 28 vjeçarja vdes pasi nxorri kokën në dritaren e trenit

Një 28 vjeçare në Britani humbi jetën në një mënyrë tragjike dhe të pazakontë: vajza ndodhej në një tren të shpejtësisë së lartë, por nxori kokën në dritare në dritare, e përplasja me një degë peme rezultoi fatale për të.

Pas dy vjetësh nga ngjarja, kjo u konfirmua nga verifikimet e shumta të kryera rreth incidentit. Bethan Roper, e cila ndërroi jetë nga plagët e rënda që pësoi në kokë, po kthehej në shtëpi në South Wales pasi kishte dalë për pazar me shoqet në Bath të Sommerset.

Hetuesit pretendojnë se tabela e vogël paralajmëruese me sfond të verdhë ku shkruhej: “Kujdes, mos u varni nga dritarja kur treni është në lëvizje”, nuk ishte e mjaftueshme për të zbehur kureshtjen e udhëtarëve.

Ata kujtuan se edhe në 2016-tën, kishte pasur një tjetër vdekje në rrethana të ngjashme në një tren në jug të Londrës. Pas asaj ngjarjeje, u hartua një plan për vendosjen e tabelave më të mëdha paralajmëruese me sfond të kuq deri në maj të 2018-tës, por kjo nuk kishte ndodhur ende kur Roper vdiq 7 muaj më vonë.


Shtuar 5.06.2021 19:37