Në 24 orët e fundit, në Itali kanë humbur jetën 24 persona teksa janë regjistruar 907 raste të reja me koronavirus. Sipas autoriteteve, janë kryer 192,424 teste, krahasuar me një ditë më parë kur u regjistruan 480 raste nga 74,649 testime.
Autoritetet e Shëndetit në vend bënë të ditur se si pasojë e sëmundjes e humbën jetën edhe 24 qytetarë, krahasuar me të hënën kur u regjistruan 31 raste fatale.
Totali i viktimave që nga fillimi i pandemisë në vend shkon në 127.704, kurse Shkalla e pozitivitetit qëndroi në 0.5%. Të shëruarit për sot ishin 1.835.
Sa i përket situatës në spitale, në njësinë e kujdesit intensiv janë të shtruar 187 pacientë, katër më pak se një ditë më parë, ndërsa në pavijonet e tjera Covid janë 1,271 të shtruar (-66). Rastet aktive aktualisht janë 42,579.
