Në përgjigje të një pyetjeje në lidhje me propozimet e Turqisë për ndërmjetësimin e bisedimeve të paqes, zëdhënësi i Kremlinit Dmitry Peskov tha se Vladimir Putin dhe Volodymyr Zelenskyy mund të takohen vetëm pasi negociatorët nga të dyja palët të kenë “kryer detyrat e shtëpisë”.

Negociatat midis Moskës dhe Kievit kanë ngecur për muaj të tërë, ku secila palë fajëson tjetrën për mungesë progresi.

Kremlini u bëri thirrje gjithashtu vendeve perëndimore me ndikim mbi Ukrainën që të shtyjnë Kievin të ndalojë bombardimin e centralit bërthamor të Zaporizhzhia.

Si Moska ashtu edhe Kievi kanë fajësuar njëri-tjetrin për sulmet në termocentralin më të madh bërthamor në Evropë, i cili kontrollohet nga forcat ruse.

The post Kremlini: Nuk ka “asnjë bazë” për bisedimet e paqes appeared first on Albeu.com.

“Objektivi i Ukrainës në këtë luftë… është të çlirojë territoret tona, të rivendosë integritetin tonë territorial dhe sovranitetin e plotë në lindje dhe jug të Ukrainës. Kjo është pika përfundimtare e pozicionit tonë negociues,” u shpreh ministri.

Ai shtoi po ashtu se bisedimet për paqen nuk po bëhen aktualisht “për shkak të pozicionit të Rusisë dhe agresionit të saj të vazhdueshëm ndaj vendit.”

Në një intervistë të botuar përpara bisedimeve në Stamboll ku përfshiheshin përfaqësues nga Ukraina, Rusia, Turqia dhe OKB-ja, Ministri i Jashtëm ukrainas tha po ashtu se mund jenë shumë afër arritjes së një marrëveshjeje për të rifilluar eksportet e grurit të bllokuar nga Rusia.

The post Ministri i Jashtëm Ukrainës e thotë troç: S’ka territore për Rusinë në këmbim të paqes appeared first on Albeu.com.

“E vërteta është se ne jemi larg negociatave midis Ukrainës dhe Rusisë. Sepse Putini ende beson në mundësinë e një paqeje të diktuar,” tha Scholz në një fjalim para ligjvënësve gjermanë.

Scholz po ashtu tha të mërkurën se partnerët e NATO-s në Evropën Lindore mund të mbështeten te Gjermania, pasi ajo po ripajis ushtrinë e saj në mënyrë që të mund të mbrojë aleatët si dhe veten kundër të gjitha sulmeve të ardhshme.

“Në krizën më të madhe të sigurisë në Evropë për dekada, Gjermania – ekonomia më e madhe e BE-së dhe vendi më i populluar – po merr një përgjegjësi shumë të veçantë”, tha Scholz në një fjalim në parlament për samitet e ardhshme të Bashkimit Evropian, G7 dhe NATO-s.

“Dhe jo vetëm për sigurinë e saj, por edhe për sigurinë e aleatëve të saj,”, tha ai.

Lufta në Ukrainë nisi më 24 shkurt, 2022 me një sulm të paprovokuar të Rusisë.

Ky sulm u pasua me sanksione të ashpra ndaj Rusisë, të cilat megjithatë nuk e kanë detyruar Rusinë të ndalë sulmet./REL

The post Scholz: Ukraina dhe Rusia ende larg negociatave të paqes appeared first on Albeu.com.

Këtë e ka bërë me dije kryenegociatori i Ukrainësm David Arakhamia në një koment për Zërin e Amerikës.

“Në fund të gushtit, procesi i negociatave mund të rifillojë. Ne nuk duam t’i ndajmë planet tona me rusët, pasi ata mund t’i shohin ato në burime të hapura, por mendoj se ne do të kryejmë një kundërsulm në zona të caktuara”, tha Arakhamia.

Sipas tij, një marrëveshje minimale me Rusinë mund të konsiderohet nëse ushtria ukrainase i largon trupat ruse nga territori i Ukrainës ose trupat ruse tërhiqen vetë në pozicionet para 24 shkurtit.

“Ne mund të konsiderojmë një traktat politik si ai i propozuar në Stamboll. Për shembull, ne nuk do të preknim çështjen e Krimesë për disa vite. Ne do ta bëjmë atë jo ushtarakisht, por diplomatikisht”, vuri në dukje Arakhamia.

Bisedimet e paqes mes Ukrainës dhe Rusisë janë ndërprerë që prej muajit mars.

The post Janë ndërprerë prej kohësh, kur pritet të rifillojnë “bisedimet e paqes” mes Ukrainës dhe Rusisë appeared first on Albeu.com.

Kancelari gjerman, Olaf Scholz, dhe presidenti i Francës, Emmanuel Macron, kanë mbajtur biseda të ndara telefonike me Putinin, qëkur Rusia nisi pushtimin e Ukrainës.

Macron veçanërisht ka zemëruar ukrainasit, kur ka deklaruar se Rusia nuk duhet të “poshtërohet” në mënyrë që të ruhen shanset për zgjidhje diplomatike të konfliktit.

Duda gjatë një interviste për Bild tha se diskutime të tilla vetëm kanë legjitimuar luftën e paligjshme në Ukrainë.

“A ka folur dikush kështu me Adolf Hitlerin gjatë Luftës së Dytë Botërore?”, tha Duda.

“A ka thënë dikush që Adolf Hitleri duhet të dalë faqebardhë? Se duhet të veprojmë në atë mënyrë që të mos e poshtërojmë Adolf Hitlerin? Unë nuk kam dëgjuar diçka të tillë”, shtoi presidenti polak.

Lufta në Ukrainë, që Moska e cilëson “operacion të posaçëm ushtarak”, ka lënë të vdekur mijëra civilë dhe mbi 7 milionë të tjerë janë detyruar të largohen nga vendi.

Ukraina dhe aleatët perëndimorë thonë se Rusia ka nisur luftë të paprovokuar për të pushtuar vendin.

Në një telefonatë të përbashkët me Putinin më 28 maj, Scholz dhe Macron i bën thirrje atij që të lirojë 2,500 luftëtarët ukrainas të fabrikës Azovstal në Mariupol, dhe të bisedojë direkt me presidentin ukrainas, Volodymyr Zelensky.

Muajin e kaluar, Zelensky hodhi poshtë sugjerimet e bëra nga disa shtete perëndimore se Kievi duhet të japë territor dhe të bëjë koncesione të tjera në mënyrë që t’i jepet fund luftës, duke thënë se këto ide i ngjasojnë me përpjekjet e bëra gjatë Luftës së Dytë Botërore për të bindur Gjermaninë Naziste që t’i jepte fund luftës./REL/

The post Presidenti polak: Bisedat me Putinin sikur të flisje me Hitlerin appeared first on Albeu.com.

Zelensky tha se Ukraina nuk është e “etur” për të biseduar me Vldadimir Putinin, por do të jetë e nevojshme për t’i dhënë fund luftës.

“Ka gjëra për të diskutuar me liderin rus. Unë nuk po ju them se njerëzit tanë janë të etur të flasin me të, por ne duhet të përballemi me realitetin e asaj që po jetojmë. Çfarë duam nga ky takim… Ne duam jetën tonë të rikthehet… Ne duam të rimarrim jetën e një vendi sovran brenda territorit të vet”, tha ai, duke shtuar se Rusia nuk duket të jetë ende gati për bisedime serioze paqeje“, tha Zelensky.

The post Zelensky: Ukraina duhet të përballet me realitetin dhe të bisedojë me Putinin appeared first on Albeu.com.

“Udhëheqja e Ukrainës vazhdimisht bën deklarata kontradiktore. Kjo nuk na e mundëson që të kuptojmë plotësisht se çfarë dëshiron pala ukrainase”, u tha gazetarëve zëdhënësi i Kremlinit, Dmitry Peskov.

Presidenti ukrainas Volodymyr Zelensky tha më herët se ishte përpjekur disa herë të organizonte një takim me presidentin rus Vladimir Putin, për t’i dhënë fund luftës, por se Rusia nuk dukej ende gati për bisedime serioze për paqe.

“Ka gjëra për të cilat duhet diskutuar me liderin rus. Nuk po ju them se qytetarët tanë duan të bisedojnë me të, por ne duhet të përballemi me realitetin e asaj që po jetojmë”, tha Zelensky në një fjalim, duke iu drejtuar aktivistëve në Indonezi.

“Çfarë duam nga ky takim …Duam të kthehen jetët tona… Ne duam të rikthejmë jetën e vendit sovran në territorin tonë”, theksoi ai, duke shtuar se Rusia ende nuk është e gatshme për bisedime serioze për paqen.

Sipas tij, rreth 12 milionë njerëz janë shpërngulur për shkak të luftës dhe rreth 5.5 milionë janë larguar nga vendi.

Dihet se bisedimet e fundit të paqes, ballë për ballë janë mbajtur më 29 mars. Kontaktet kanë vazhduar nga distanca për disa kohë, por të dyja palët tani thonë se ato janë ndalur.

Rusia nisi pushtimin e Ukrainës fqinje më 24 shkurt.

Ndërkohë, forcat ruse po fillojnë avancimin e tyre më të fortë në javët e fundit, në rajonin lindor të Donbasit, pasi që në fillim të këtij muaji u tërhoqën nga kryeqyteti Kiev dhe nga periferia e qytetit të dytë më të madh, Harkivit./rel

The post Kremlini akuzon Ukrainën për deklarata “kontradiktore” mbi bisedimet e paqes appeared first on Albeu.com.

“Negociatat nuk po përparojnë vërtet. Ne shohim një mungesë të plotë dëshire midis negociatorëve ukrainas për të vazhduar këtë proces,” e citoi atë të thoshte agjencia e lajmeve Interfax.

Ai tha se nuk kishte asnjë dyshim që luftëtarët që u larguan nga fabrika e rrethuar e çelikut Azovstal në qytetin port të Mariupolit ishin dorëzuar.

“Përkufizimi është i paqartë: ata që u strehuan, ushtarët që u strehuan në territorin e Azovstal, ata po hedhin armët dhe po dorëzohen”, shtoi ai, sipas Interfax.

Autoritetet ukrainase kanë thënë se luftëtarët mund të shkëmbehen me të burgosur rusë, por asnjë detaj i ndonjë marrëveshjeje mes dy palëve nuk është bërë publike. Luftëtarët janë dërguar në zonat e kontrolluara nga Rusia në Ukrainën lindore.

Peskov tha se çështja e gjykimit të ushtarëve të kapur në një gjykatë ushtarake, qoftë për krime të dyshuara lufte ose për të qenë siç i quan Rusia naziste, ishte “një pyetje për ushtrinë”.

The post Kremlini: Bisedimet e paqes nuk kanë gjasa të rifillojnë pas kapitullimit të Mariupolit appeared first on Albeu.com.

Me qindra ushtarë atje kanë mbetur të bllokuar në fabrikën e çelikut Azovstal.

Një ligjvënës rus, i cili merr pjesë në bisedimet e paqes ka thënë se Rusia duhet të marrë në konsideratë dënimin me vdekje për ata që ai i quajti luftëtarët nacionalistë nga regjimenti Azov i Ukrainës, sipas skyneës.

Në një debat në dhomën e ulët të parlamentit të Rusisë pasi ushtarët në fabrikën e çelikut Azovstal të Ukrainës u dorëzuan, ligjvënësi Leonid Slutsky tha se megjithëse Rusia kishte një moratorium mbi dënimin me vdekje, duhet të “mendojë me kujdes” për dënimin e luftëtarëve të  Azov.

“Ata nuk e meritojnë të jetojnë pas krimeve monstruoze që kanë bërë kundër njerëzimit  dhe që vazhdojnë të bëhen ndaj të burgosurve tanë”, tha ai.

Kjo vjen pasi zëdhënësi i Kremlinit Dmitry Peskov tha se luftëtarët ukrainas që u dorëzuan në fabrikën e çelikut do të trajtoheshin “në përputhje me standardet ndërkombëtare”.

Ministria ruse e mbrojtjes tha më herët se më shumë se 250 luftëtarë ukrainas të strehuar në fabrikën e çelikut në Mariupol ishin dorëzuar pas shumë javësh nën rrethim.

The post Negociatori rus: Ushtarët e regjimentit Azov duhet të dënohen me vdekje appeared first on Albeu.com.

Lajmin e ka bërë të ditur zëvendësministri i Jashtëm i Moskës, Andrei Rudenko, i cili ka thënë se aktualisht janë ndërprerë negociatat mes Rusisë dhe Ukrainës, sipas agjencisë së lajmeve Interfax, shkruan BBC.

“Negociatat nuk po vazhdojnë. Ukraina është tërhequr praktikisht nga procesi i negociatave,” u tha ministri i jashtëm gazetarëve në Nizhny Novgorod, Rusi.

Ndërkohë rikujtojmë se presidenti i Ukrainës Volodymyr Zelensky në një deklaratë të mëparshme për BBC-në tha se ai e kupton nevojën për dialog me Rusinë  dhe se nga ana e tyre, “jo të gjitha urat diplomatike janë shembur”.

Zyrtarët ukrainas dhe rusë, që nga 29 shkurti nuk kanë zhvilluar bisedime ballë për ballë bisedimet.  Që atëherë, të dyja palët kanë zhvilluar bisedime online. Moska ka akuzuar Kievin për ngecjen e bisedimeve dhe përdorimin e raporteve për mizoritë e kryera nga trupat ruse në Ukrainë për të minuar negociatat.

The post Çfarë ndodhi? Ndërpriten bisedimet e paqes mes Moskës dhe Kievit appeared first on Albeu.com.