Ish-kryeministri Sali Berisha ka vizituar Panairin e Librit që po mbahet në Pallatin e Kongreseve.
Panairi është në ditën e tij të tretë, ndërsa Berisha duket se ka shfrytëzuar paraditen e kësaj fundjave të vizituar një aktivitet të rëndësishëm në kryeqytet.
Ai nuk humbi mundësinë që të takohej edhe me qytetarët e pranishëm në panair.
“Jam këtu për të dënoncuar qëndrimin anti-libër të tij. Shqiptarët duhet ta dinë se libri në Shqipëri taksohet më shumë se kudo në Evropë.
Duhet ta dinë se ato përpjekje që u bënë për të jetësuar biblotekat në të gjitha shkollat e vendit, fondet që u caktuan për blerjen e librave, u ndaluan me një vendim anti-libër të Edi Ramës.
Rama, ky njeri që për veten e vet pretendon se më një libër ndërtoi sarajet e Surrelit, tani takson si shtëpitë botuese, ashtu edhe shtypshkronjat, duke rritur kostot dhe dule ulur tirazhet e librave në mënyrë dramatike.
Vetëm tarifat dhe taksat doganore që ky vendos e bën librin pothuajse të ndryrë në territorin e Shqipërisë. Garantoj autorët e krijuesit se një politikë tjetër krejtësisht e ndryshme nga kjo do të instalohet,” tha Berisha.
