Kreu i Partisë Demokratike, Sali Berisha, kritikoi kryeministrin Edi Rama gjatë mbledhjes së grupit parlamentar të PD-së, duke e cilësuar atë si një njeri të pabesë dhe pa karakter.
Berisha tha se kriza në Shqipëri, po thellohet çdo ditë dhe paralajmëroi se qëndrimet e kryeministrit përbëjnë rrezik për vendin dhe rajonin.
Të lidhura
None found
Sipas tij, Rama është shndërruar në mbrojtës të Vlora Hysenit, Ergys Agasit, Ron Yeffet, Linda Karçanajt, Ermal Beqirit dhe Belinda Ballukut.
“Padrinoja është kthyer në një avokat të pashembullt të Vlora Hysenit, Ergys Agasit, Ron Yeffet, Linda Karçanajt, Ermal Beqirit dhe Belinda Ballukut. Është i pabesë dhe pa karakter. Pasi lau duart me ta, tani mbron interesat e tyre”, u shpreh Berisha.
Kreu i opozitës pretendoi se çdo veprim i Ermal Beqirit, Linda Karçanajt dhe Vlora Hysenit, është urdhëruar nga Edi Rama.
Ai akuzoi gjithashtu se bëhet fjalë për ndarje dhe menaxhim parash që lidhen me kryeministrin.
“Askush nuk duhet të ketë dyshimin më të vogël se çdo veprim dhe çdo akt i Ermal Beqirit, Linda Karçanajt dhe Vlora Hysenit është urdhri i Edi Ramës. Janë ndarje parash me Edi Ramën. Është menaxhimi i parave të Edi Ramës, kjo është e vërteta”, tha ai.
Berisha shtoi se zërat për këto çështje po shtohen dhe se Rama, sipas tij, po përpiqet të justifikojë veprime që i konsideroi ndër më të rëndat në historinë e shtetit shqiptar.
Ai ngriti akuza edhe ndaj ish-drejtueses së Shërbimit Informativ Shtetëror, Vlora Hyseni, duke pretenduar se ajo u ka përcjellë sekrete të rëndësishme shtetërore karteleve të drogës dhe ndërmjetësit të tyre. Këto janë pretendime të kreut të opozitës dhe nuk përbëjnë konstatime gjyqësore.
“Shefja e Shërbimit Inteligjent që ka dorëzuar sekretet më të rëndësishme të shtetit te kartelet e drogës dhe ndërmjetësi i tyre, duke pasur parasysh se këto kartele janë shpallur organizata terroriste nga Presidenti i SHBA-së, e çon këtë çështje në nivelin e tradhtive më të mëdha. Ndërsa Edi Rama u thotë shqiptarëve se aleatët e çojnë Vlorën…”, deklaroi Berisha.
