Bëri xhiron e rrjetit pasi fali namazin me veshje popullore, Imami i sqaron të vërtetën

“Mesazhi im ishte që mbi të gjitha ne jemi shqiptar. Dhe mbi të gjitha ne duhet të jemi krenar me rrënjet tona…”

Imami i Xhamisë në Krajkovë të Drenasit, Faruk Hoxha ka bërë xhiron e rrjetit sot pasi ka falur namazin e Fiter Bajramit me veshje kombëtare. Mediat vendase e kanë intervistuar për të mësuar më shumë lidhur me kuptimin që fshihet pas gjestit të tij.

Hoxha tha se qëllimi i mesazhit që ai deshti ta përcjellte ishte që feja dhe kombi janë si dy binjakë që nuk mund të ndahen nga njëri tjetri.

“Kombi dhe feja janë dy binjakë që nuk mund të ndahet. Kushdo që bën përpjekje t’i ndajë dy binjakë bëjnë krim. Mesazhi im ishte që mbi të gjitha ne jemi shqiptar. Dhe mbi të gjitha ne duhet të jemi krenar me rrënjet tona. Sikur një bimë nëse nuk ujitet dhe nuk ka kujdes për rrënjet e saj, atëherë ato prishen”, tha ai në Info Magazine.

Shtuar 13.05.2021 08:05