Mësohet se 60 vjeçari është dërguar drejt Tiranës për një mjekim më të specializuar për shkak të plagëve të rënda që ka në trup, pavarësisht se mjekët thanë se momentalisht ndodhet jashtë rrezikut për jetën.

Dedë Plani mësohet se ka tre plumba në krahë, dhe një plumb në brinjë, pjesën e legenit dhe në këmbë.

Ai u plagos teksa ndodhej në punë duke bërë roje pranë një karburanti në hyrje të rrugës Shkodër-Koplik, pas rotondos së Dobraçit.

Papritur një person me motor është afruar, është ulur dhe ka qëlluar në drejtim të 60 vjeçarit 8 herë me pistoletë duke e lënë të plagosur.

Gjashtë prej plumbave kanë përfunduar në trupin e të plagosurit. Menjëherë pasi e ka qëlluar autori është larguar me shpejtësi nga vendi i ngjarjes pa lënë gjurmë, duke vijuar rrugën nga Shkodra në drejtim të Koplikut.

Ndërkohë policia ka siguruar pamjet e disa kamerave të sigurisë në atë aks rrugor dhe po punon për zbardhjen e plotë të ngjarjes dhe kapjen e autorit.

“Po qëndroja ulur tek puna në karburant,në një moment erdhi një motoçiketë, drejtuesi i saj ishte me kaskë të zezë. Zbriti dhe u afrua drejt meje dhe më qëlloi. Nuk ia pash dot fytyrën, nuk e di kush ishte. Unë personalisht nuk kam konflikte dhe nuk e di kush mund të jetë dhe as arsyen”, ka thënë Pllanaj teksa është pyetur.

Kujtojmë se Pllanaj është djali i xhaxhait i Bardhok Planit që u vra në një atentat mafioz në prillin e vitit të kaluar./albeu.com/

The post DETAJET/ Mbrëmë i zbrazën karikatorin, Pllanaj transportohet drejt “Traumës”: Se di pse më ndodhi! appeared first on Albeu.com.

Sipas burimeve të deritanishme, nga të shtënat ka mbetur i plagosur një person.

I plagosuri është një i afërm i Bardhok Pllanajt, saktësisht djali i xhaxhait të tij që u ekzekutua para disa muajsh me breshëri kallashnikovi, Dedë Planaj.

Ndërkohë po punohet për zbardhjen e plotë të ngjarjes./albeu.com/

The post EMRI/ I vranë djalin e xhaxhait disa muaj më parë, kush është i plagosuri në Shkodër (VIDEO) appeared first on Albeu.com.

Por mbarimi i saj nuk e ka zbehur aspak egërsinë e krimit i cili ka marrë revansh, ndërsa agjencitë e sigurisë në shumicën e ngjarjeve nuk kanë mundur të identifikojnë autorët edhe pse pistat janë të njohura dhe bëhen publike brenda disa orëve.

Në 4 prill në Shkodër do ekzekutohej Bardhok Pllanaj një personazh mjaft i njohur, madje i etiketuar edhe si “kumbari”. Ngjarja erdhi në një situatë  specifike pasi policia e shtetit ka qenë në gatishmëri për shkak të fushatës zgjedhore e cila gjithmonë ngre tensione dhe shoqërohet me ngjarje të rënda dhe vinte pas dy vrasjeve në Durrës dhe Elbasan.

“Bardhok Pllanaj ishte një personazh ekuilibronte grupet kriminale në Shkodër. Kishte shumë ndikim mbi ta. Nëse ai do të ndërhynte për të shuar sherret mes grupeve kriminale ishte një fitore e sigurt dhe ai ishte një personazh që nuk ruhej, nuk lëvizte me makinë të blinduar apo me bodigardë, pasi e konsideronte veten të sigurt” tha Klodiana Lala.

“Bardhok Pllanaj dihej botërisht që ishte i përfshirë në fushatën zgjedhore, mbështeste një nga kandidatët e LSI-së për deputet” tha Lala. Vrasja ndodhi në lagjen Dobraç dhe ndaj makinës më të cilën udhëtonte viktima u qëlluan më shumë se 40 plumba.

Një 46 vjeçar mjaft i njohur në qytet, madje i hetuar nga dhe gjykuar nga institucionet e qytetit verior për pasurinë e tij, por që nuk iu konfiskua. Gjithashtu ai u hetua nga ish-prokuroria e krimeve të rënda për trafikun e 700 kilogrameve kanabis nga laguna e Vilun, akuzë e cila nuk u provua. Në 2014 ai i shpëtoi arrestimin pasi u fsheh në makinën e ish-deputetit Mark Frroku dhe policia nuk mund të ndërhynte, edhe pse ishte konfirmuar se ai ndodhej aty.

Më këto të dhëna Pllanaj dukshëm ishte një personazh i cili nuk prekej nga shteti për shkak se nuk provoheshin akuzat. Por kjo nuk mund të thuhej për kundërshtarët e tij të cilët nuk patën asnjë vështirësi për ta ekzekutuar.

“Hetuesit janë duke e drejtuar hetimin drejt një qyteti tjetër në veri të vendit, aty ku mendohet se Pllanaj mund të ketë dijeni për një vrasje tjetër mafiozeve dhe ky grupet mendohet të jetë hakmarrë ndaj tij. Dhe kjo lidhet edhe me disa ngjarje të tjera kriminale” tha gazetarja.

Shkodra dhe Elbasani  për shkak të ngjarjeve mjaft të rënda kanë një specifikë tjetër. Tashmë sipas ekspertëve kanë kaluar tek vrasjet e gjakut dhe ekzekutime të tilla nuk lidhen shumë me atë që është në pushtet apo ka ndikim politike.

The post Përse u vra “kumbari” i Shkodrës? Gazetarja zbulon kandidatin që mbështeste në zgjedhje appeared first on Albeu.com.

Edhe pse ende policia nuk ka rënë në gjurmët e autorëve, mësohet se kanë qenë të paktën 5 persona të përfshirë në krim. Sipas hetuesve, 3 janë autorët që finalizuan eleminimin fizik të 46 vjeçarit, dy që qëlluan ndaj tij dhe një tjetër që drejtonte mjetin tip “Pasat”, i cili rezulton i vjedhur dhe me targa italiane.

Një tjetër nga autorët ka pasur rolin e vëzhguesit, ku ka sinjalizuar qitësit për lëvizjet e objektivit, dhe një tjetër person që i ka larguar ato nga zona e Dobraçit, pasi dogjën automjetin tip “Pasat”, që përdorën në atentat.

Ashtu sikundër albeu.com ka raportuar edhe ditën e djeshme, Pllanaj është ekzekutuar me breshëri automatikut. Ekspertët janë duke kërkuar prova edhe në automjetin e djegur. Ndërkohë vijon kqyrja e kamerave të sigurisë për të krijuar itinerarin e lëvizjeve para dhe pas atentatit të autorëve të vrasjes së Pllanajt. Sipas ekspertizës mjeko ligjore, trupi i viktimës është përshkruar nga 12 plumba në pjesë të ndryshme të trupit.

Një plumb që ka marrë në kokë dhe 2 të tjerë pranë zemrës kanë qenë fatal për 46-vjeçarin. Sipas hetuesve,  autorët e vrasjes janë  profesionistë dhe se vrasjen e kanë kryer kundrejt pagesës. Nga ana tjetër pista kryesore e hetimit për vrasjen e Pllanajt është e kaluara e tij kriminale.

The post Vrasje me pagesë, zbardhet roli i ekzekutorëve të Bardhok Pllanajt appeared first on Albeu.com.

Lala tha në emisionin “Opinion” se Pllanaj në vitin 2012 në bashkëpunim me një person nga fisid Rraja, kanë bashkëpunuar për trafikimin e lëndëve narkotike.

Po ashtu, ajo shprehet se emri i Pllanajt ishte i përfshirë dhe në Dosjen 339, ku përfshihen hetimet për krime zgjedhore, por dhe për laboratorin e drogës në Brenog të Hasit.

“Bardhak Pllanaj quhej “kumbar” i grupeve kriminale se mbante raporte mes grupeve kriminale, në një farë mënyre ai ishte ekuilibruesi mes tyre. Pllanaj qëndronte në Shkodër pa makinë të blinduar se e konsideronte veten mbi palët për shkak të lidhjeve të forta në Polici dhe në ato ligjzbatuese, lidhje politike dhe për shkak të kapacitetit financiar.

Në vitin 2012, Prokuroria e Krimeve të Rënda nisi hetimet për një grup kriminal që trafikonte drogë nga Himara. Fillimisht u hetua ai grup dhe u godit. Bardhok Pllanaj bashkë me pjesëtarë të fisit Rraja nga Fushë-Kruja filluan ti hidhnin çantat në det dhe ca çanta u fotografuan autoritetet.

Gjykata arriti të arrestonte disa, i vetmi që nuk ishte prekur  ishte Bardhok Pllanaj i cili ishte kryesori në këtë histori dhe me një djalë nga Vlora. U arrestuan më vonë ata, 2 vite e gjysmë më vonë. Emrin e Pllanaj e kam gjetur në dosjen 339, mes të tjerave dilnin disa grupe kriminale, mes tyre dhe Avdulajt, dhe diskutonin për zgjedhjen e Presidentit të FSHF.

The post Lala tregon lidhjen e Bardhok Pllanajt me fisin Rraja dhe dosjen “339” appeared first on Albeu.com.

Hoxha shtoi më tej se ai ka lidhje me botën e krimit dhe se ka marrë pjesë në fushata elektorale.

Pllanaj ishte aktualisht i përfshirë në zgjedhjet elektorale të 25 prilit,  dhe në zgjedhjet e 2017, ai kishte mbështetur LSI shtoi më tej hoxha.

“Bardhok Planaj nuk hynte në ndonjë nga grupet kriminale të Shkodrës. Ka shtëpinë në Shtoj të ri dhe po shkonte nga qyteti n shtëpi të vet. Nuk është ruajtur dhe nuk mbante eskort si këta të tjerët. Po ta shikosh atentati ka vazhduar në vijimësi, është qëlluar në ndjekje dhe ai ka humbur ekuilibrin. makina bën një rrotullim dhe autorët e kanë qëlluar përsëri. Autorët nuk kanë dalë nga makina se ai udhëtonte. Shikoni intensitetin që është goditur dhe është qëlluar me dy armë zjarri. Një person i tretë është në timon dhe një që i ka pritur pas djegies së makinës. Është një krim i mirëorganizuar. Ai nuk i çonte gjërat tek arma, i mbyllte konfliktet, Ai ka qenë si një lloj ndërmjetësi kur kishin konflikt mes grupeve të tjera. Aftësia e tij ka qenë krijimi i lidhjeve me agjencitë e zbatimit të ligjit, korruptimi i tyre, polici, prokurori, gjykatë prandaj ka dalë vazhdimisht. I është ngrirë një pallat në zonën e Dobraçit, paleje 11 katësh janë 20 apartamente. Ai ka një hotel në hyrje të Shkodrës, një në dalje dhe ka binznese në zonën e Velipojës. Ai është i përfshirë në veprimtari tregtare që i ka me persona të tjera. Ka patur lidhje politike, ishte i përfshirë në fushat elektorale aktualisht, mbështeste një forcë politike që besonte që do e ndihmonte. Në zgjedhjet e fundit ka qenë më i angazhuar në fushatë duke mbështetur LSI, rasti më flagrant të përfshirjes së tij është ngjarja me Mark Frokun.”-tha Hoxha.

The post Hoxha: Bardhok Pllanaj i përfshirë në fushatën elektorale të 25 prillit dhe në zgjedhjet e 2017 appeared first on Albeu.com.

Hoxha tha në emisionin “Opinion” se vrasja ka qenë e mirëorganzuar duke mos i lënë mundësi 46-vjeçarit që tu shpëtonte plumbave.

Gazetari tregoi se Pllanaj ka pasur lidhje me botën e krimit, ndërsa tha se ishte person që kishte kontakte dhe me organet ligjzbatuese të cilët, sipas tij, i korruptonte për të shpëtuar nga burgu.

Artan Hoxha: Bardhok Planaj nuk hynte në ndonjë nga grupet kriminale të Shkodrës. Ka shtëpinë në Shtoj të ri dhe po shkonte nga qyteti në shtëpi të vet. Nuk është ruajtur dhe nuk mbante eskort si këta të tjerët.

Po ta shikosh atentati ka vazhduar në vijimësi, është qëlluar në ndjekje dhe ai ka humbur ekuilibrin. makina bën një rrotullim dhe autorët e kanë qëlluar përsëri.

Autorët nuk kanë dalë nga makina se ai udhëtonte. Shikoni intensitetin që është goditur dhe është qëlluar me dy armë zjarri. Një person i tretë është në timon dhe një që i ka pritur pas djegies së makinës. Është një krim i mirëorganizuar. Ai nuk i çonte gjërat tek arma, i mbyllte konfliktet, Ai ka qenë si një lloj ndërmjetësi kur kishin konflikt mes grupeve të tjera.

Aftësia e tij ka qenë krijimi i lidhjeve me agjencitë e zbatimit të ligjit, korruptimi i tyre, polici, prokurori, gjykatë prandaj ka dalë vazhdimisht. I është ngrirë një pallat në zonën e Dobraçit, paleje 11 katësh janë 20 apartamente.

Ai ka një hotel në hyrje të Shkodrës, një në dalje dhe ka binznese në zonën e Velipojës. Ai është i përfshirë në veprimtari tregtare që i ka me persona të tjera. Nuk ka Kumbar që lëviz pa blinda. Kumbarët e Shkodrës janë gjallë, i njeh Shkodra mirë dhe i di kush janë. /opinion

The post Vrasja e Bardhok Pllanajt, Artan Hoxha: Kumbarët e Shkodrës janë ende gjallë! appeared first on Albeu.com.

E ftuar në “Opinion”, Lala tha se ekzekutorët e kanë parë Bardhok Pllanajn që ka mbërritur në shtëpi, ka lënë gruan dhe fëmijët e më pas ka dalë sërish. Këtu ata kanë përfituar ta qëllonin.

“Ai është kthyer në shtëpi. Vrasësit po e vëzhgonin. Bardhok Pllanajn e kanë pritur 50 metra larg banesës. Ka lënë gruan dhe fëmijët e tij në banesë dhe ka dalë sërish. Aty, ekzekutorët e kanë qëlluar,”- tha Lala ndër të tjera.

The post Klodiana Lala zbardh vrasjen e “Kumbarit të Shkodrës”: Vrasësit e pritën sa çoi fëmijët në shtëpi appeared first on Albeu.com.

Makina është tip “Volksëagen Pasat”, ndërsa sipas policisë rezulton se ka qenë me targa italiane. Në këtë makinë dyshohet se kanë qenë tre autorët, të cilën kanë kryer ekzekutimin e 46-vjeçarit, Pllanaj.

Një person ka qenë në timonin e makinës, ndërsa dy të tjerë të pajisur me kallashnikov kanë qëlluar në drejtim të objektivit duke e lënë të vdekur në vend.

Makina në fjalë u gjet e djegur jo shumë larg vendit të krimit, ndërsa brenda saj janë gjetur edhe mbetjet e dy kallashnikovëve që dyshohet se janë përdorur në kryerjen e krimit të rëndë.

The post Gjendet e djegur makina e atentatorëve të Bardhok Pllanaj, çfarë u gjet brenda appeared first on Albeu.com.

Sipas Hoxhës, kjo ngjarje nuk ka lidhje me ato që lidhen me terminologjinë që media e përdor “si i forti i Shkodrës”.

“Me 1 dhjetor 2020, media shkroi, se u vra “i forti” i Shkodrës. Sot në mbrëmjë, sërish media shkroi, se u vra “kumbari” i Shkodrës… Sa herë duhet ta shkruaj?! Kolegë, korrigjoni titullin, historia i ka dhënë të drejtë, batutës: Shkodra, nuk ka njisha…. Edhe pas vrasjes së radhës, e njëjta gje edo të shkruhet… Por sërish, Shkodra, nuk do të ketë njisha…”, shkruan Hoxha.

Ai e shoqëron këtë postim edhe me foto të ngjarje të ndodhura në qytetin më të madh verior, si vrasje e Mir Koçisë apo e Ridvan Ramazanit, që etikoheshin si të fortët e Shkodrës.

The post Artan Hoxha për vrasjen e Bardhok Pllanajt: Shkodra nuk ka njisha (FOTO LAJM) appeared first on Albeu.com.