Barcelona ende nuk ka bërë një përforcim në skuadrën e saj që nga ardhja e Oriol Romeu në fillim të korrikut, por me afatin e transferimeve më pak se 24 orë larg nga mbyllja, tani ose kurrë duhet të ndodh transferimi te Blaugranët.
Lajmet e fundit nga Katalunia thonë se Barcelona më në fund ka bërë një ofertë zyrtare për mbrojtësin e Manchester Cityt, Joao Cancelo, me të cilin ata kanë qenë prej kohësh të lidhur.
Sipas gazetës katalunase Sport, oferta është një huazim i thjeshtë, ku Barcelona do të paguajë të gjitha pagat e tij.
Fillimisht mendohej se Barcelona përfshinte një opsion blerjeje prej 30 milionë euro si pjesë e marrëveshjes, por me ekipin katalan që po përpiqet të përshtatet në kufirin e pagave të tyre, heqja e opsionit të blerjes do të ndihmojë në shmangien e problemeve në këtë drejtim.
