Kundërshtimi ndaj reformës së re territoriale, i shfaqur më herët përmes protestave në Klos, është përhapur edhe në Dimal. Qytetarët e kësaj zone kanë reaguar kundër planit që synon ta heqë bashkinë e tyre nga harta administrative e vendit.
Sipas banorëve, ndryshimet e propozuara dhe shkrirja e Bashkisë Dimal rrezikojnë të dëmtojnë ofrimin e shërbimeve lokale, si dhe të dobësojnë lidhjen e qytetarëve me institucionet vendore.
Të lidhura
None found
Krahas protestës, qytetarët kanë nënshkruar një peticion kundër reformës territoriale. Nëpërmjet kësaj nisme, ata kërkojnë që Bashkia Dimal të ruhet dhe të vazhdojë veprimtarinë si njësi e veçantë e qeverisjes vendore.
Propozimi i mazhorancës për reformimin territorial ka nxitur përplasje politike dhe reagime në disa zona të vendit. Banorë dhe përfaqësues vendorë janë shprehur kundër pakësimit të numrit të bashkive, duke kërkuar që organizimi i tanishëm administrativ të mbetet i pandryshuar.
