Kreu i Grupit Parlamentar të PS-së, Taulant Balla, kërkoi gjatë seancës plenare të kësaj të enjteje ndryshime në projektligj, duke propozuar pezullimin e punimeve të ndërtimit përgjatë sezonit turistik.
Ai argumentoi se kjo masë do të përmirësonte përvojën e pushuesve dhe do të siguronte një standard më të lartë të ofertës turistike në vend.
Të lidhura
None found
“Në shumë zona turistike, kam qenë dëshmitar kur vazhdojnë proceset ndërtimore ngjitur me hotelet, duke pamundësuar pushimin për pushuesit. Për këtë arsye kemi propozuar në këtë projektligj që të pezullohen punimet e ndërtimit gjatë kohës së sezonit turistik, duke garantuar cilësi më të lartë të ofertës turistike në vendin tonë”, deklaroi ndër të tjera Balla.
