Te një adoleshent, përdorimi i cigareve elektronike dyfishon rrezikun e fillimit të pirjes së cigareve tradicionale, thuhet në një studim të botuar në European Journal of Preventive Cardiology, një revistë e Shoqërisë Europiane të Kardiologjisë (ESC).
Studimet kanë treguar se përdorimi i cigareve elektronike tek të rinjtë është rritur nga 5% në 2013 në gati 25% në 2018.
Dokumenti i Shoqatës Europiane të Kardiologjisë Parandaluese (EAPC), një degë e ESC, fokusohet në efektet kardiovaskulare të cigareve elektronike, përfshirë pajisjet që duken si cigare dhe avullues të rimbushshëm që nuk duken si cigare.
Hulumtimet kanë treguar se cigaret elektronike rrisin presionin e gjakut dhe rrahjet e zemrës, ndryshojnë muret e arterieve në mënyrë që të bëhen më të forta dhe më pak elastike, dhe pengojnë funksionin e enëve të gjakut duke dëmtuar rreshtimin e tyre.
Secili nga këto katër efekte janë faktorë rreziku për mpiksjen e gjakut dhe grumbullimin yndyror brenda mureve të arteries të cilat mund të shkaktojnë sulme në zemër.
Një studim në 2019 gjeti një lidhje midis cigareve elektronike dhe sulmeve në zemër.
Përveç efekteve negative në zemër, po grumbullohen dëshmi se avullimi ka efekte negative në mushkëri dhe është i dëmshëm për fetusin në zhvillim gjatë shtatzënisë.
Hulumtimet paraprake tregojnë se cigaret elektronike mund të shkaktojnë kancer./albeu.com
