“Avioni privat i Ramës”, Basha sulmon kryeministrin: Lëviz me flatrat korruptive të parave të shqiptarëve (FOTO LAJM)

Kreu i Partisë Demokratike, Lulzim Basha ka akuzuar kryeministrin Edi Rama se shpërdoron miliona për fluturimet e tij me avionin privat të Air Albania.

Basha ka publikuar shifrat nga raportet e huaja, ndërsa thekson se shpërdorimi i taksave të vendit më të varfër në Evropë tregon se është i domosdoshëm vettingu në politikë.

“Në 52 milionë eurot që shpenzohen për luksin qeveritar, bëjnë pjesë edhe milionat që Rama shpërdoron për fluturimet e tij me avionin privat, me flatrat korruptive të një kompanie ajrore të ekspozuar edhe nga Transparency International. Ky shpërdorim i taksave të qytetarëve më të varfër të Europës, tregon pse vettingu në politikë është i domosdoshëm për të pasur politikanë që punojnë për familjet shqiptare, jo për veten, krimin e organizuar dhe oligarkët,” shkruan kreu i demokratëve./albeu.com/