Ministria e Shëndetësisë bën me dije se gjatë 24 orëve të fundit në Kosovë nga 1,386 testime, 4 qytetarë kanë rezultuar pozitiv me virusin COVID-19.
MSH njofton se gjatë 24 orëve të fundit, nuk është shënuar asnjë rast i vdekjes, ndërsa janë shëruar 5 qytetarë.
Numri i përgjithshëm i të shëruarve është 105,315 teksa në total numri i rasteve aktive është 170.
Në 24 orët e fundit janë dhënë 1.365 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 160.410 doza të vaksinës.
Deri më sot 32.975 qytetarë janë vaksinuar me dozën e dytë.
