Asambleja Parlamentare e NATO-s miratoi avancimin e statusit/ Presidenti Begaj: Urime Kosovë

Në një postim në rrjetin social “X”, presidenti i vendit Bajram Begaj, ka reaguar në lidhje me vendimin e Asamblesë Parlamentare të NATO-s, për zgjedhjen e Kosovës si Anëtare e Asociuar në Asamble.

“Urime, Kosovë, për zgjedhjen Anëtare e Asociuar në Asamblenë Parlamentare të NATO-s!”, shkroi Begaj.

Shumica e vendeve kanë votuar pro, një votë ka qenë kundër dhe 14 vende tjera kanë abstenuar, në takimin e Asamblesë, që po mbahet në Sofje të Bullgarisë ku u mor vednimi për Kosovën.