Autoritetet britanike kanë arrestuar në Londër Korado Gështënjën, i cili kërkohej nga drejtësia shqiptare për përfshirje në ngjarje të rënda kriminale. Arrestimi është kryer me qëllim vijimin e procedurave për ekstradimin e tij në Shqipëri.
Gështënja ishte shpallur në kërkim nga Prokuroria e Posaçme (SPAK). Sipas të dhënave paraprake, ai qëndronte prej një periudhe të gjatë në Angli dhe përdorte identitet të rremë për t’iu shmangur lokalizimit dhe arrestimit.
Të lidhura
None found
SPAK dyshon se Korado Gështënja ka pasur rol në rrëmbimin dhe zhdukjen e Jan Prengës, një prej rasteve më të bujshme të lidhura me krimin e organizuar në Shqipëri.
Pas ndalimit të tij, në Londër kanë nisur procedurat gjyqësore që synojnë ekstradimin drejt Shqipërisë. Atje, Gështënja do të përballet me masën e sigurisë dhe akuzat e ngritura nga drejtësia e re.
