Ditën e sotme, një i burgosur shqiptar është arratisur nga burgu famëkeq i Koridhalosit në Greqi. Sipas mediave greke, autoritetet thane së u njoftuan pasi një i burgosur u arratis nga burgu dhe sipas informacioneve fillestare, ai është një 48-vjeçar shqiptar, i cili arriti të arratiset nga burgu.
Arratisja ndodhi gjatë kohës së ushqimit në mensë, ndërkohë që po hetohet mënyra sesi shqiptari ia doli të ikte nga qelia.
Të lidhura
None found
Vlerësimet fillestare tregojnë se dy zona sigurie të njëpasnjëshme mund të jenë hapur njëkohësisht, një fakt që dyshohet se i burgosuri e ka shfrytëzuar për t’u arratisur.
Po ashtu dyshohet se ai ka studiuar për shumë kohë procedurat e sigurisë së burgut, lëvizjet dhe hapje-mbylljet e dyerve në mënyrë automatike.
Autoritetet kanë nisur hetimet për ta gjetur dhe arrestuar atë, ndërkohë që po shqyrtojnë njëkohësisht rrethanat në të cilat u bë e mundur arratisja, si dhe çdo përgjegjësi në funksionimin e masave të sigurisë në burg.
