Drejtori sportiv i Napolit, Giovanni Manna, ishte i interesuar për transferimin e Zhegrovës, por vendimi final i përket trajnerit të ri, Antonio Conte.

Sipas “Corriere dello Sport”, Conte i ka kërkuar drejtuesve të Napolit të ndalin negociatat për Zhegrovën, duke e larguar nga lista e objektivave të verës.

Lajmin e ka konfirmuar edhe “arenanapoli.it”, ndërsa mediume të tjera pranë klubit kampion të Italisë raportojnë të njëjtën gjë: Conte nuk e sheh sulmuesin kosovar si pjesë të planeve të tij për sezonin e ardhshëm.

Aktualisht, Zhegrova është në fazën e rikuperimit pas një lëndimi që e ka mbajtur larg fushave që nga dhjetori i kaluar.

The post Edon Zhegrova jashtë planeve të Napolit – Conte i ndërpret negociatat appeared first on Albeu.com.

Napoli tani po ëndërron titullin, por objektivi i vendosur në fillim të sezonit, Champions League, tashmë është arritur matematikisht.

“Objektivi kryesor është arritur para afatit, jemi në Champions League dhe ju e dini se sa vlen ekonomikisht për të gjitha klubet e mëdha.

Të mos harrojmë se dy javë më parë ishim 3 pikë mbrapa, kjo duhet të shërbejë për të ruajtur qetësinë dhe përulësinë që nuk duhet humbur kurrë nga ambienti i Napolit që duhet të kuptojë se po marrim pjesë të gjithë bashkë për diçka të papritur, askush nuk e imagjinonte, por duhet të qëndrojmë të bashkuar, të përulur, me këmbët në tokë.

Kanë mbetur edhe 4 ndeshje dhe kam pasur eksperienca në të cilat kam humbur dhe kam fituar titullin në javën e fundit. Ka vetëm një ekip që fiton, por djemtë punuan në mënyrë të përulur, pa fantazi, substanca është e rëndësishme”, ka thënë Conte në konferencën për shtyp.

Kur kanë mbetur edhe 4 ndeshje nga përfundimi i kampionatit italian, Napoli kryeson renditjen e Serie A me 3 pikë më shumë se Interi i vendit të dytë.

The post Conte: Të qëndrojmë me këmbë në tokë, kam humbur dhe fituar tituj në javën e fundit appeared first on Albeu.com.

Trajneri 54-vjeçar italian u emërua zyrtarisht sot (e mërkurë) si trajneri i ri i klubit nga “Diego Armando Maradona Stadium”.

Conte ka nënshkruar një kontratë trevjeçare me Napolin, e cila e mban atë lidhur deri në qershor të vitit 2027.

Duke folur në prezantimin e tij, ai nënvizoi lumturinë dhe emocionin e tij që u bë trajneri i ri i Napolit.

“Napoli është një vend me rëndësi globale. Jam i lumtur dhe i emocionuar për idenë për t’u ulur në stolin e Azzurrëve”, ka thënë fillimisht Conte.

“Sigurisht që mund të premtoj një gjë: do të bëj maksimumin për rritjen e ekipit dhe klubit. Përkushtimi im, së bashku me atë të stafit tim, do të jetë total”, përfundoi italiani.

Conte në të kaluarën ka drejtuar me shumë sukses Juventusin, Chelsean dhe Interin, ku me tri skuadrat ka fituar titullin e ligës, ndërsa së fundmi drejtoi Tottenham Hotspur. Ai ka udhëhequr edhe Kombëtaren e Italisë. /Telegrafi/

The post “Mund të premtoj një gjë”, fjalët e para të Contes si trajner i Napolit appeared first on Albeu.com.

Sipas gazetarit italian, Fabrizio Romano thuhet se Conte e ka arritur marrëveshjen me klubin e Napolit dhe se brenda ditës do të bëhet gjithçka zyrtare.

Conte do të nënshkruajë kontratën e vlefshme deri në qershor të vitit 2027.

🚨🔵 BREAKING: Antonio Conte as new Napoli head coach, here we go!

Agreement reached on every detail also including add-ons, after fixed salary, image rights and staff members.

Conte will sign the contract valid until June 2027, documents approved.

Huge appointment for Napoli. pic.twitter.com/1wr16gBTd4

— Fabrizio Romano (@FabrizioRomano) May 31, 2024

The post ZYRTARE / Antonio Conte trajneri i ri i Napolit appeared first on Albeu.com.

Sipas mediave italiane bëhet me dije se napolitanët do të mriëpresin trajnerin e tyre të ri.

Napoli dhe Conte siç dihet kanë arritur një marrëveshje 3-vjeçare, ku timonieri italian do të përfitojë 7-8 milionë euro në sezon.

Gjithçka po bëhet gati dhe mungon vetëm njoftimi zyrtar që 54-vjeçari të quhet timonieri i napolitanëve.

Aurelio De Laurentiis nuk është kursyer aspak për Conten, teksa objektivi kryesorë i skuadrës në sezonin e ri do të jetë rikthimi te titulli kampionë.

Italiani sipas të gjitha gjasave mund të prezantohet në fillim të javës së ardhshme, të hënën ose të martën.

The post Në Napoli nisin përgatitjet për prezantimin spektakolar, Antonio Conte gati për aventurën e re appeared first on Albeu.com.

Napoli është në bisedime të avancuara me italianin Antonio Conten për t’u bërë trajneri i ri i tyre.

De Laurentiis ka thënë në fillim të kësaj jave se dhjetë ditët e ardhshme do të jenë vendimtare, por raporte të shumta thonë se Conte tashmë ka një marrëveshje në parim prej tetë milionë euro në vit deri në vitin 2027.

Sipas gazetës Il Mattino, Napoli do të investojë 60 milionë euro bruto në tre vjet në teknikun italian.

Conte thuhet se ka kërkuar një klauzolë që do t’i lejojë atij të largohet nga klubi në fund të çdo sezoni, por De Laurentiis do të preferonte ta mbante klauzolën në favor të tij dhe të kishte fuqinë për ta aktivizuar atë çdo verë.

Sipas raportit, Contes i është premtuar një buxhet transferimi prej 230 milionë euro, i cili ndoshta përfshin planin prej 130 milionë të Napolit për të marrë nga shitja e Victor Osimhen.

Stafi i Contes do të përfshijë Christian Stellini, vëllain e trajnerit Gianluca dhe ish-sulmuesin italian Elvis Abbruscato, i cili luajti nën drejtimin e Contes në Arezzo.

Conte, një ish-trajner i Juventusit dhe Interit, mund të ndihmojë gjithashtu De Laurentiisin të zhvillojë ambientet stërvitore të klubit, të cilat janë larg standardeve më të larta të cilësisë në Evropë. /Telegrafi/

The post Klauzola e Contes dhe buxheti i transferimeve te Napoli appeared first on Albeu.com.

Napoli vendosi të përshpejtojë për taktikën 54-vjeçar pas vendimit të Gian Piero Gasperini për të ecur përpara me Atalantën, duke hequr konkurrentin e tij kryesor për këtë rol.

Bisedimet u rihapën të premten dhe përparuan me shpejtësi gjatë 48 orëve të fundit.

Drejtorët e Napolit, Giovanni Manna dhe Andrea Chiavelli kanë qenë në kontakt të ngushtë me Conte gjatë dy ditëve të fundit, duke ofruar një kontratë trevjeçare me vlerë rreth 7 milionë euro neto në sezon plus 2 milionë euro shtesë, të etur për të nisur një cikël të ri në kryeqyteti i Kampanisë.

Calciomercato.com detajon se si Napoli dëshiron të njoftojë ardhjen e Conte deri të martën e javës së ardhshme, duke dashur të fillojë shpejt projektin e ri në klub.

Trajneri pritet të sjellë me vete në kryeqytetin e Campanias bashkëpunëtorin e vjetër Gabriele Oriali.

54-vjeçari do të ketë një rol të rëndësishëm në strategjinë e tregut të transferimeve verore të klubit dhe shpresa është se ai do të jetë në gjendje të bindë disa lojtarë kryesorë që të mos largohen, megjithëse shitja e Victor Osimhen është e konfirmuar në këtë pikë. /AlbEu.com/

The post Antonio Conte shumë pranë Napolit, klubi italian ka gati detajet e kontratës appeared first on Albeu.com.

Trajneri është pa punë tash e një vit, pasi u largua nga Tottenham në mars të 2023 duke ndërprerë kontratën me pëlqim reciprok.

Sipas gazetës La Repubblica, Conte është në krye të listës së pretendentëve për Bayern Munich kur Thomas Tuchel të largohet në fund të sezonit.

Megjithatë, i njëjti raport vë në dukje gjithashtu se Conte tashmë e kishte refuzuar Bayern Munich një herë më parë dhe tani është më i bindur se kurrë se dëshiron një klub në Itali në mënyrë që të jetë më afër familjes së tij.

Ai ka refuzuar tashmë Napolin, ndërsa Roma po ecën kaq mirë nën drejtimin e Daniele De Rossit, ku opsioni i vetëm i vërtetë do të ishte Milani dhe një rikthim në Juventus.

Gazetari i Sportitalia, Rudy Galetti, shkruan se Conte po punon në mënyrë aktive për një rikthim në Juventus, duke parë se raporti midis Max Allegrit dhe klubit po përkeqësohet.

Kandidati tjetër kryesor për këtë rol është trajneri i Bologanas, Thiago Motta.

Conte ishte lojtar i Juventusit, më pas trajner nga 2011 deri në 2014, ku fitoi tre tituj radhazi të Serie A. /Telegrafi/

The post Antonio Conte refuzon Bayern Munichun, dëshiron drejtimin e njërit prej gjigantëve italianë appeared first on Albeu.com.

Conte është i vetmi trajner që ka fituar një titull lige përpara një skuadre të Pep Guardiola së bashku me Jose Mourinho (Real Madrid) dhe Jurgen Klopp (Liverpool).

Italiani e bëri këtë më 2016-17 në sezonin e tij të parë në Stamford Bridge.

“Nuk është e lehtë. Guardiola është trajneri më i mirë në botë. Dhe atëherë kur mund të krahasoni trajnerin më të mirë në botë me një klub që mund t’ju mbështesë dhe mund të investojë për të sjellë lojtarë të rëndësishëm për të përmirësuar ekipin çdo sezon, sepse ata duan të qëndrojnë në krye të botës, atëherë është shumë, shumë e vështirë për të konkurruar në të njëjtin nivel”, ka thënë fillimisht Conte për The Telegraph.

“Historia ime thotë se kam ardhur gjithmonë në klubet e mia në një situatë të vështirë me probleme. Unë gjithmonë ndërtoj. Pas sezonit tim të parë në Chelsea, kur fituam titullin, mund të ishim bërë dominues në Angli. Ne folëm me Lukakun dhe van Dijk, dhe me ata dy lojtarë të rëndësishëm mund të kishim ndryshuar situatën”, përfundoi italiani.

Van Dijk përfundimisht iu bashkua Liverpoolit në afatin kalimtar të janarit 2018, ndërsa Lukaku iu bashkua Manchester United nga Everton në verën e vitit 2017.

Sulmuesi belg përfundimisht u kthye te Chelsea nga Interi në verën e vitit 2021 për 113 milionë euro. Lukaku sapo kishte fituar titullin e Serie A me Conten në Inter, por të dy u larguan nga Giusseppe Meazza pasi ngritën Scudetton.

Lukaku, aktualisht i huazuar te Roma nga Chelsea, ka shënuar 64 herë në 95 ndeshje nën drejtimin e Contes te Interi.

Gjatë të njëjtës intervistë me The Telegraph, Conte tha se ëndërron të fitojë Ligën e Kampionëve si trajner dhe këmbënguli që mbrojtja e tij me tre lojtarë nuk është shumë mbrojtëse. /Telegrafi/

The post Conte tregon se ai u përpoq të nënshkruante Van Dijk-un appeared first on Albeu.com.

Pjesë e kësaj liste tani është edhe Antonio Conte, transmeton Gazeta Express.

Mediumi spanjoll, Sport, shkruan se profili i trajnerit italian tani është në interesin e klubit spanjoll.

Për Conten interesim ka pasur edhe nga skuadrat e Serie A.

Ndërsa, mbetet të shihet se në stolin e cilës skuadër do ta shohim në sezonin e ri.

? Antonio Conte is a surprise candidate to succeed Xavi at Barcelona! ??

His profile is now of interest to the club. ?

(Source: @Sport) pic.twitter.com/8oOFfFsXgW

— Transfer News Live (@DeadlineDayLive) February 8, 2024

The post Antonio Conte, kandidat për të marrë drejtimin e Barcelonës appeared first on Albeu.com.