Mbrëmjen e së dielës, një aktore 38-vjeçare e cila u bë e famshme nga një serial i njohur në vitin 2006, u arrestua pas një sherri të ashpër me ish-bashkëshortin e saj në një hotel në Karystos , ku ndodheshin me pushime, raportojnë mediat greke.
Sipas informacioneve, aktorja e cila ishte në gjendje të dehur pasi kishte konsumuar sasi të alkoolit, ka shkaktuar dëme në banesën ku ndodhi rrahja, ndërsa informacionet e fundit thonë se aktorja ka sulmuar edhe 12-vjeçarin, djalin e tyre.
Gjithçka nisi pasditen e së dielës me aktoren duke thyer gjithçka në dhomë, duke sharë dhe goditur bashkëshortin e saj 57-vjeçar.
Në vendngjarje kanë mbërritur efektivët e policisë, të cilët janë njoftuar për ngjarjen dhe kanë arrestuar aktoren.
Më pas aktorja është dërguar në komisariatin e Karystos, ku pasi ka dhënë deklaratë është lënë e lirë në orën 00:00 të natës me urdhër të prokurorit.
Sipas informacioneve, 57-vjeçari ka deklaruar se nuk dëshiron të ndjekë penalisht aktoren.
