Një aksident i rëndë është regjistruar ditën e sotme në Mal të Zi, kur një autobus pasagjerësh doli nga rruga.
Të paktën tre persona kanë humbur jetën, ndërsa disa persona janë plagosur pas ngjarjes që ndodhi në rrugën Cetinje-Budvë.
Siç konfirmon “Vijesti”, autobusi ka zbritur në linjën ndërmjet Obzovicës dhe Brajiqit.
Të dhënat fillestare të policisë tregojnë se në autobus ndodheshin rreth 35 pasagjerë dhe se në autobus nuk kishte fëmijë.
Shoferi i autobusit u dërgua në polici dhe u ndalua.
Në rrënojat e autobusit, siç njoftojnë ekipet e Drejtorisë së Policisë në orën 13:10, nuk ka më të lënduar apo të vdekur.
Qarkullimi zhvillohet në korsinë e tretë, në mënyrë që të mos ketë bllokime dhe të mund të dërgojnë të plagosurit në spitale me autoambulanca dhe mjete të shumta policie.
Gazetarët e “Vijesti” raportojnë se autoambulanca të shumta vazhdojnë të kalojnë nga drejtimi i Cetinjes në Podgoricë.
Policia në Donja Goricë ka mbyllur qarkullimin nga drejtimi i Podgoricës dhe vetëm ekipet e ambulancës, ekipet e shpëtimit dhe gazetarët e mediave lejohen të shkojnë në Cetinje.
Në vendin e aksidentit janë dërguar të gjitha forcat policore në dispozicion nga Budva dhe Cetinja, ndërsa rrugës për në Obzovicë janë edhe pjesëtarët
