Një aksident i rëndë ka ndodhur këtë të hënë në aksin rrugor “Librazhd-Prrenjas”.
Policia bën me dije se drejtesi i një automjeti tip “Volkswagen”, ka humbur kontrollin dhe për pasojë automjeti ka dalë nga rruga dhe ka rënë në përroin e Lengajcës.
Të lidhura
None found
Për fat të keq ka ndërruar jetë shoferi dhe pasagjerja, të cilët mësohet se kanë qenë çift.
“Nga ky aksident kanë humbur jetën shtetasi A. Y. dhe bashkëshortja e tij, shtetasja M. Y., rreth 50 vjeçe, e cila ishte pasagjere në këtë automjet”, njofton policia.
Shërbimet e Policisë dhe ato të Zjarrfikëses ndodhen në vendin e ngjarjes dhe vijojnë punën për nxjerrjen e trupave të të 2 shtetasve që ndodheshin në automjet.
Njoftimi i policisë
Rreth orës 07:45, në aksin rrugor “Librazhd-Prrenjas”, shtetasi A. Y., rreth 55 vjeç, banues në Devoll, duke drejtuar automjetin tip “Volkswagen”, ka humbur kontrollin mbi drejtimin e automjetit dhe për pasojë automjeti ka dalë nga rruga dhe ka rënë në përroin e Lengajcës. Nga ky aksident kanë humbur jetën shtetasi A. Y. dhe bashkëshortja e tij, shtetasja M. Y., rreth 50 vjeçe, e cila ishte pasagjere në këtë automjet. Shërbimet e Policisë dhe ato të Zjarrfikëses ndodhen në vendin e ngjarjes dhe vijojnë punën për nxjerrjen e trupave të të 2 shtetasve që ndodheshin në automjet./albeu.com/
