Një mjet tip Benz elegancë, që drejtohej nga shtetasi Endri Zhuka, duke dalë me shpejtësi nga një rrugë dytësore fshati, ka goditur mjetin e Policisë së Patrullës Rrugore. Si pasojë e përplasjes së fortë, të dyja mjetet janë rrotulluar në rrugë, ndërkohë që është plagosur rëndë drejtuesi i Benzit.

Njoftimi i policisë:

Berat/Informacion paraprak

Sot rreth orës 12:00 në vendin e quajtur Rrethrrotullimi i Poshnjes, shtetasi E.Zh, duke drejtuar mjetin tip “Benz”, është përplasur me automjetin e Policisë i cili drejtohej nga punonjësi i policisë në shërbim, shtetasi A.Xh.

Si pasojë është dëmtuar lehtë drejtuesi i mjetit tip “Benz”, shtetasi E.Zh, i cili ka marrë ndihmë mjeksore në Spitalin Rajonal Berat.

Grupi hetimor po punon për zbardhjen e rrethanave të aksidentit./albeu.com

The post Aksident në Berat, makina e policisë bën “copash” Benzin (FOTO LAJM) appeared first on Albeu.com.

Burimet bëjnë me dije se në vendin e quajtur “Çentër Shqiptare”, Kombinat, shtetasi A. A., 48 vjeç, banues në lagjen Çlirim, Berat, duke kaluar rrugën, është goditur nga një mjet dhe për pasojë ka humbur jetën.

Drejtuesi i mjetit, ende i paidentifikuar, pas aksidentit, është larguar nga vendngjarja.

Shërbimet e Policisë dhe grupi hetimor po punojnë për zbardhjen e rrethanave të aksidentit, identifikimin dhe kapjen e drejtuesit të mjetit. /albeu.com/

The post Po kalonte rrugën, përplaset për vdekje 48 vjeçari në Berat appeared first on Albeu.com.

Mjeti tip golf 5 me drejtues Xhulio Katillari  ishte duke lëvizur në drejtim të Beratit ka humbur kontrollin në kthese dhe është përplasur me mjetin tip “Seat” që po shkonte drejt Skraparit me drejtues mjeti një shtetas italian Guido Sivori.

Nga aksidenti kanë mbetur të plagosur lehtë te tre të afermit e Xhulio Katillarit të cilet janë dërguar në Spitalin Rajonal të Beratit për të marrë  ndihmën e parë mjeksore.

Në vendngjarje kanë mbërritur blutë e rrugores për të zbuluar shkaqet e aksidentit./albeu.com

The post Përplasen kokë më kokë makinat në Berat, tre të lënduar (VIDEO) appeared first on Albeu.com.

Detaje të reja vijnë nga Reparti i Kirurgjisë në Spitalin Rajonal të Beratit, ku mbërritën edhe 5 të plagosurit e aksidentit të rëndë që ndodhi mbrëmjen e sotme në qendër të qytetit.

Ata ishin banues në fshatin Arëz të Tepelenës dhe menjëherë pas aksidentit janë transportuar drejt Spitalit Rajonal Berat, ku ndodhen në gjendje të rëndë.

Automjeti tip Benz, me targa AA 021 MS, duke qarkulluar me shpejtësi nga lagjja Mangalem në drejtim të qendrës së qytetit, ka humbur kontrrollin dhe është futur brenda një dyqani me pajisje elektro-shtëpiake. Si pasojë e aksidentit të rëndë janë plagosur 5 shtetasit: Leonard Rrapi 34-vjeç, Abaz Kaballi 60-vjeç, Astrit Veliu 23-vjeç, Tahir Redhi 30-vjeç dhe Robert Sadikaj.

Njëri prej të plagosurve, 30-vjeçari Leonard Rrapi është transportur me ambulancë drejt Spitalit të Traumës në Tiranë, ndërsa 4 të plagosurit e tjerë ndodhen në Repartin e Kirurgjisë së Beratit. Mësohet se edhe drejtuesi i mjetit, 26-vjeçari Ergys Petro, banues në lagjen “Kushtrim” në Berat është plagosur rëndë dhe ndodhet në Spitalin e Beratit, nën mbikqyrjen e forcave të policisë. Burime të policisë bëjnë me dije se shkak për këtë aksident është bërë shpejtësia tej normave të lejuara me të cilën po udhëtonte 26-vjeçari kur humbi kontrrollin e mjetit dhe doli nga rruga./albeu.com

The post DETAJET/ Të aksidentuarit në Berat ishin nga Tepelena, si është gjendja e tyre (VIDEO) appeared first on Albeu.com.

Mësohet se Zoga, ka qenë duke drejtuar pa patentë një tractor, me të cilin po kthehej në shtëpi pas punës.

Por, teksa udhëtonte përgjatë rrugës së fshatit Qerreshnik, ku ai jetonte, ka humbur kontrollin e traktorit dhe ka rënë në kanalin anash rrugës. Traktori është përmbysur dhe e ka zënë poshtë 50-vjeçarin, duke bërë që ky i fundit të pësojë thyerje gjymtyrësh dhe shembje në shumë pjesë të trupit.

Për të nxjerrë Zogën nga poshtë traktorit kanë ndërhyrë edhe forcat e Zjarrfikëses, pasi vetë 50-vjeçari e kishte të pamundur. I plagosuri është dërguar në spitalin e Beratit fillimisht, por duke parë gjendjen e tij të rëndë, është nisur më pas drejt Spitalit të Traumës në Tiranë.

The post Aksident horror! E zuri traktori poshtë, 50-vjeçari në gjendje kritike appeared first on Albeu.com.