Një 39-vjeçar me origjinë shqiptare është rrëzuar nga skela teksa ishte duke punuar dhe ndodhet në gjendje të rëndë.
Ngjarja ka ndodhur në Kretë.
39-vjeçari, sipas medieve greke, ka pësuar dëmtime të shumta dhe është gjykuar e nevojshme transferimi i tij në spitalin e Chanias, ku po trajtohet në Repartin e Kujdesit Intensiv.
Njoftimi i Sindikatës së Ndërtuesve dhe Tregtisë së Përafërt të Rethymnon:
“Një tjetër koleg ndërtues u plagos rëndë në një kantier pune në zonën e Koumbe në perëndim të qytetit të Rethymno.
Kolegu me prejardhje shqiptare, tridhjetë e nëntë vjeç, baba i dy fëmijëve, ishte duke punuar në skelë kur ajo u shemb, duke bërë që të rrëzohet përtokë dhe të plagoset rëndë. Ai u dërgua në Spitalin e Chanias ku po trajtohet në reanimacion.
Sindikata e Ndërtuesve të Rethymno-s i uron kolegut që sa më shpejt të kthehet pranë familjes dhe miqve të tij./Albeu.com/
