35-vjeçari godet me sëpatë 27-vjeçarin në Gramsh, sherri nisi për motive të dobëta

Policia, përmes një njoftimi zyrtar, bën me dije se ditën e djeshme në fshatin Vinë, Gramsh, gjatë një konflikti për motive të dobëta, shtetasi G. T., 35 vjeç, kishte plagosur me mjet prerës (sëpatë), shtetasin T.B., 27 vjeç, i cili ndodhet nën kujdesin e mjekëve.

Shërbimet e Policisë, falë vlerësimit në kohë të informacionit, shkuan menjëherë në vendin e ngjarjes, ku bënë të mundur kapjen dhe shoqërimin në Komisariat të autorit të dyshuar të ngjarjes.

Në përfundim të veprimeve, shtetasi G.T., 35 vjeç, banues në fshatin Kishtë, Gramsh,  u arrestua në flagrancë për veprën penale “Plagosja e rëndë me dashje”./albeu.com


Shtuar 2.10.2021 09:35