Deputeti i Lidhjes Demokratike të Kosovës, Armend Zemaj, deklaroi se nuk do të votojë për kandidatin e Lëvizjes Vetëvendosje për postin e kryetarit të Kuvendit.
Të lidhura
None found
Duke folur para hyrjes në Kuvend, përpara vazhdimit të seancës konstituive, Zemaj bëri të ditur se Kujtim Shala do të mbetet kandidati i LDK-së për nënkryetar.
“Kujtim Shala do të jetë sërish kandidati ynë, pasi nuk ka pasur ndryshim”, u shpreh ai.
Zemaj theksoi se LDK-ja nuk do ta votojë zgjedhjen e kryetarit të Kuvendit nga radhët e Lëvizjes Vetëvendosje, ndërsa shtoi se çdo deputet që mund ta ketë ndryshuar qëndrimin personal do të veprojë sipas vullnetit të tij.
