Gjykata Speciale pritet të shpallë nesër vendimin përfundimtar në procesin ndaj katër ish-krerëve të UÇK-së, Hashim Thaçi, Kadri Veseli, Rexhep Selimi dhe Jakup Krasniqi. Ky zhvillim po ndiqet me interes të madh në Kosovë.
Të lidhura
None found
Në prag të vendimit, avokati Tomë Gashi ka reaguar përmes një postimi në rrjetet sociale, duke e lidhur përfundimin e çështjes me standardet e drejtësisë që, sipas tij, janë zbatuar në rastet e ish-komandantëve të UÇK-së, Ramush Haradinaj dhe Fatmir Limaj.
Gashi ka deklaruar se, nëse Gjykata Speciale ndjek të njëjtin standard, Thaçi, Veseli, Selimi dhe Krasniqi duhet të shpallen të pafajshëm.
“Standardi i drejtësisë! Nëse Gjykata Speciale i respekton standardet e drejtësisë si në rastin Haradinaj dhe Limaj, atëherë nesër gjykata do t’i shpallë të pafajshëm Hashim Thaçin, Kadri Veselin, Rexhep Selimin dhe Jakup Krasniqin”, ka shkruar Gashi.
