Categories: kosovë

Sot zhvillohet Marshi për Liri në sheshin “Skënderbeu” në Prishtinë

Në sheshin “Skënderbeu” të Prishtinës mbahet sot Marshi për Liri, i organizuar në përkrahje të Hashim Thaçit, Kadri Veselit, Jakup Krasniqit dhe Rexhep Selimit, vetëm pak ditë përpara se Gjykata Speciale të shpallë vendimin për ish-udhëheqësit e Ushtrisë Çlirimtare të Kosovës.

Të lidhura

None found

Organizatorët e kësaj nisme, të quajtur “Liria ka emër”, u kanë bërë thirrje qytetarëve që të dalin masivisht në shesh për t’i mbështetur ata.

Në këtë tubim, të pranishëmve do t’u drejtohen kryetari i Partisë Demokratike të Kosovës, Bedri Hamza, si dhe kryetari i Aleancës për Ardhmërinë e Kosovës, Ardian Gjini.

Përfaqësuesit e platformës “Liria ka emër” kanë ftuar edhe spektrin politik që t’i bashkohet marshit.

Kryeministri në detyrë, Albin Kurti, të mërkurën nuk dha përgjigje në pyetjen e gazetarëve nëse do të jetë pjesëmarrës në këtë tubim apo jo.

Eliza Hoxha dhe Ismail Tasholli, përfaqësues të platformës qytetare “Liria ka Emër”, i kishin ftuar udhëheqësit e katër partive parlamentare shqiptare që të marrin fjalën gjatë marshit, por bënë të ditur se ftesës i janë përgjigjur pozitivisht vetëm Bedri Hamza nga PDK-ja dhe Ardian Gjini nga AAK-ja.

Një ditë më parë, Hoxha prezantoi edhe programin e marshit dhe listën e folësve.

“Në emër të platformës ‘Liria ka Emër’ do të flasim ne të dy së bashku, do ta hapim, në fakt, pjesën formale të Marshit. Në emër të shoqatave të dala nga lufta do të flasë Hysni Gucati. Do të flasë Liriona Sulejmani në emër të fëmijëve të dëshmorëve, si vajza e dëshmorit Bajram Sulejmani, duke sjellë zërin dhe mesazhin e një brezi që trashëgon kujtesën dhe sakrificën e luftës edhe në familje. Qytetarëve do t’u drejtohen gjithashtu Ardian Gjini dhe Bedri Hamza, si dhe Buna Mustafa, e bija e Salih Mustafës-Calit. Programi do të shoqërohet edhe me këngë, të cilat do të jenë pjesë e mesazhit të këtij tubimi, këngë patriotike, natyrisht, që na kanë frymëzuar dhe na kanë kujtuar gjithmonë për përkushtimin tonë për liri”, u shpreh Hoxha.

Ajo shtoi se nga platforma “Liria ka emër” është siguruar transport me autobusë nga të gjitha qytetet e Kosovës.

“Ejani me familjet tuaja, ejani me fëmijët tuaj, ejani me prindërit tuaj, me miqtë tuaj, ejani të gjithë bashkë në Marsh më 12 shtator, në orën 14:00, në Sheshin ‘Skënderbeu’, të Marshojmë për çlirimtarët tanë”, tha ajo.

Ndërkohë, Ismail Tasholli i ftoi qytetarët të marrin pjesë në marsh, duke theksuar se mesazhi i organizatorëve nga Prishtina deri në Hagë mbetet i pandryshuar: të qëndrojnë të bashkuar dhe pranë njëri-tjetrit në momente që, sipas tij, kanë rëndësi të veçantë.

“Prandaj, sot dua t’ju drejtoj një ftesë të gjithë qytetarëve. Bashkohuni me ne më 12 shtator, në orën 14:00, në Sheshin ‘Skënderbeu’ në Prishtinë. Mos ejani vetëm, ejani me familjet tuaja, merrni fëmijët, prindërit, vëllezërit, motrat dhe miqtë tuaj, ashtu siç erdhi edhe Eliza. Le të jetë ky Marsh një Marsh qytetar, familjar, paqësor dhe dinjitoz. Le të jemi sa më shumë, le të jemi bashkë. Më 12 shtator, ora 14:00, Sheshi ‘Skënderbeu’. Dhe më 15 shtator, nga ora 22:00, takohemi përsëri në Hagë, në natën e pritjes, për të qëndruar së bashku deri në nisjen e seancës së gjyqit”, tha ai.

Këtij marshi mbështetje i kanë shprehur edhe shumë figura publike.

të fundit

Thellohet shqetësimi për sigurinë e fëmijëve në internet në Maqedoninë e Veriut, 25 raste të regjistruara brenda tetë muajsh

Çdo i dhjeti fëmijë i moshës 12 deri në 17 vjeç është viktimë e keqpërdorimit seksual, sipas një hulumtimi të…

8 minutes ago

Protest by the New Workers’ Union of KEK in front of the corporation’s Directorate

Sindikata e Re e Punëtorëve të Korporatës Energjetike të Kosovës (KEK) do të mbajë sot protestë para Drejtorisë së KEK-ut,…

9 minutes ago

Protest in Pristina by KOMF and Kosovo Women’s Network against budget allocations for social services

Koalicioni i OJQ-ve për Mbrojtjen e Fëmijëve (KOMF) dhe Rrjeti i Grave të Kosovës do të mbajnë sot protestë në…

9 minutes ago

Selection panel begins reviewing candidacies for Ombudsperson, interviews held in Assembly

Paneli përzgjedhës për pozitën e Avokatit të Popullit do të mblidhet sot në Kuvendin e Kosovës për të shqyrtuar aplikacionet…

10 minutes ago

Assembly convenes today in two sessions, law on Specialist Chambers and 2027 budget under review

Kuvendi i Kosovës do të mbajë sot 2 seanca plenare, ku pritet të shqyrtohen çështje të rëndësishme. Në orën 10:00…

10 minutes ago

Currency exchange November 16, 2026/ how much the dollar and euro are bought and sold, what happens with other currencies

Këtë të enjte, një dollar amerikan, blihet për 81.6 lekë dhe shitet për 82.6 lekë. Euro, blihet me 89.8 lekë…

10 minutes ago