Në Malishevë do të zhvillohen sot homazhe në kujtim të policit Altin Kryeziu, i cili ndërroi jetë pas plagëve të marra në një aksident, ku u përplas nga një veturë gjatë ushtrimit të detyrës.
Të lidhura
None found
Homazhet, sipas raportimeve të mediave lokale, do të nisin në orën 19:30 dhe do të mbahen në vendin ku ndodhi aksidenti.
Altin Kryeziu ishte në shërbim kur u godit nga automjeti. Pas disa ditësh trajtim dhe përballjeje me plagët, ai vdiq në QKUK.
Familjarët, kolegët, miqtë dhe qytetarët janë ftuar të bëhen pjesë e homazheve, për të nderuar jetën dhe sakrificën e tij, si dhe për t’i shprehur mbështetje familjes së policit.
