Shqiptarët votojnë në Preshevë në zgjedhjet parlamentare të Serbisë

Zgjedhjet e parakohshme parlamentare po zhvillohen sot në Serbi, ndërsa qytetarët po votojnë për përbërjen e re të Kuvendit të Serbisë.

Në Preshevë, qytetarët shqiptarë po marrin pjesë në procesin e votimit në qendrat e përcaktuara.

Disa votues janë paraqitur në shkollën “Ibrahim Kelmendi” për të ushtruar të drejtën e tyre të votës.

Qendrat e votimit do të qëndrojnë të hapura nga ora 07:00 deri në 20:00, ndërsa në fletëvotime janë gjithsej 18 lista zgjedhore.

Këto janë zgjedhjet e para në Serbi ku shqiptarët garojnë përmes një liste të përbashkët zgjedhore.