Dirk Schuebel, ambasadori i Bashkimit Evropian në Kosovë, ka zhvilluar një takim me homologun e tij nga Mbretëria e Bashkuar, Jonathan Hargreaves, ku është trajtuar bashkëpunimi mes BE-së dhe Mbretërisë së Bashkuar në mbështetje të Kosovës.
Të lidhura
None found
Gjatë bisedës, palët kanë diskutuar për domosdoshmërinë e normalizimit të marrëdhënieve mes Kosovës dhe Serbisë, si edhe për thellimin e bashkëpunimit në rajon.
Schuebel ka falënderuar për bashkëpunimin e deritanishëm dhe ka vlerësuar vazhdimin e tij në të ardhmen, me theks të veçantë te përkrahja e avancimit të Kosovës si shtet shumetnik.
“Kosova do të vazhdojë ta ketë përkrahjen e partnerëve ndërkombëtarë”, ka thënë Schuebel.
