Presidenca e Kosovës ka bërë publike pasqyrën e plotë të shpenzimeve zyrtare për muajt prill–qershor 2026.
Të lidhura
None found
Sipas të dhënave të publikuara, aktivitetet e ushtrueses së detyrës së Presidentes, Albulena Haxhiu, së bashku me ato të kabinetit të saj, kanë arritur një kosto të përgjithshme prej 12,421.39 eurosh.
Institucioni ka sqaruar se shuma përfshin shpenzimet e realizuara nga 4 prilli 2026, dita kur Haxhiu mori detyrën si ushtruese e detyrës së Presidentes, deri më 30 qershor 2026.
Zyra e Presidentes bëri të ditur se publikimi synon t’i ofrojë opinionit publik informacion të saktë dhe të parandalojë paqartësitë rreth të dhënave që lidhen me shpenzimet zyrtare.
Presidenca u ka bërë thirrje gjithashtu mediave dhe palëve të interesuara që, nëse kërkojnë informacione apo sqarime të tjera, të komunikojnë drejtpërdrejt me institucionin. Sipas saj, kjo mënyrë komunikimi mundëson raportim të plotë dhe shmang perceptimet e gabuara që mund të krijohen nga paraqitja e pjesshme ose jashtë kontekstit e të dhënave.
