Pozhari ngre alarmin për LDK-në: Dobësimi i Lumir Abdixhikut mund ta fusë vendin sërish në bllokadë

Analisti politik Xhevdet Pozhari ka shprehur kritika për zhvillimet e fundit brenda LDK-së, duke lënë të kuptohet se tentativat për ta dobësuar kryetarin Lumir Abdixhiku mund të kenë pasoja të drejtpërdrejta në procesin e zgjedhjes së presidentit.

Ai vlerëson se një koordinim i mundshëm mes LDK-së dhe PDK-së vetëm sa do ta rëndonte edhe më tej ngërçin politik, përcjell “Bota sot”.

Shkrimi i plotë

Sipas tij, “pleqtë e LDK-së” ia kanë mësyrë ta rrëzojnë Lumirin.

Në rast se e arrijnë këtë synim, atëherë do të bllokohet zgjedhja e presidentit dhe vendi do të shkojë sërish në zgjedhje. Siç thotë ai, kjo nënkupton se do të rreshtohen haptazi krah PDK-së.

Ndërkaq, edhe nëse Lumiri del me sukses dhe pranon të bëhet pjesë e qeverisjes, për votimin e presidentit atij do t’i mungojnë sërish minimalisht 3 vota.

Për presidentin, Aleanca po e vendos një çmim të lartë: mes tjerash, po kërkon 1 miliardë euro për kryeqytetin si fond emergjent. Pikërisht aq sa është planifikuar të ndahet për ushtri.

Albini veç t’u kqyr seri!

Valla boll në zor je me këtë opozitë.