Gjatë një aksioni të gjerë të Policisë së Kosovës, të zhvilluar në kuadër të planit operativ “Ditët e Veprimit të Përbashkët JAD Global Chain 2026-Qershor 2026”, janë kryer veprime nga 8 deri më 12 qershor në bashkëpunim me EUROPOL, INTERPOL, FRONTEX dhe institucione të tjera vendore e ndërkombëtare.
Të lidhura
None found
Sipas njoftimit, operacioni është drejtuar nga Drejtoria për Hetimin e Trafikimit me Qenie Njerëzore dhe ka përfshirë kontrolle në lokale me muzikë live, në qendra masazhi, aksione për identifikimin e fëmijëve në situatë rruge si viktima të mundshme të trafikimit, si edhe zbatimin e planit taktik për goditjen e prostitucionit përmes eskortave.
Policia bën të ditur se gjatë kontrollit të 59 lokaleve me muzikë live në të gjithë Kosovën, janë hasur gjithsej 420 persona. Prej tyre, 317 ishin femra dhe 109 meshkuj, ndërsa sipas shtetësisë 186 ishin shtetas të Kosovës dhe 234 shtetas të huaj. Në mesin e tyre ishin 220 femra shtetase të Shqipërisë, 9 femra shtetase të Serbisë, 4 femra shtetase te Maqedonia e Veriut dhe 1 femër shtetase e Bullgarisë.
Nga lokalet e inspektuara, gjashtë janë gjetur të mbyllura, ndërsa për shkelje administrative, Inspektorët e MINT kanë mbyllur nëntë lokale të muzikës live.
